غضبناک ایرککلر بیر عیالنی کابل ده اولدیردی

Image copyright Getty

کابل امنیتی کوچلریگه کوره غضب لنگن بیر توده ایرککلر قرآن نسخه سینی یاقیب یوبارگنی ادعا قیلنگن عیالنی اولدیرگنلر. کابل ده کی امنیتی حوزه لردن بیری نینگ قوماندان صالح محمد نینگ ایتیشیچه، عیال قرآن نسخه سی نینگ یاقگنیدن سونگ یوزه گه چیققن. اونینگ ایتیشچه او ییرده بیر توده ایرکک لر کلتک و تاش بیلن عیالگه هجوم قیلیب اونی اولدریشگن. اونینگ ایتیشیچه پولیس کوچلری غضبناک شخص لرنینگ آلدینی آلیشگه قادر بولمه گن . بو حادثه پنجشنبه کونی کابل نینگ شاه دوشمشیره مسجدی یانیده روی بیرگن. کابل ده کی خصوصی تلویزیون لر جسدیگه اوت قوییلگن عیال نینگ ویدیوسینی نشرایتگنلر. پلیس ایسه عیال جسدی نینگ غضبناک شخصلر تمانیدن یاقیب یوبارلیشی خصوصیده بیران نیرسه ایتمه گن . حادثه تفصیلاتی و شونگه اوخشش بو عیال نینگ کیم لیگی معلوم ایمس. پلیس کوچلری بو حادثه بویچه تیکشیرو ایش لرینی باشله گنینی ایتماقده . اجتماعی صفحه لرده جسدیگه اوت قویلگنی ادعا قیلنگن عیال نینگ رسم لری هم چیقه باشله گن .