ژنرال دوستم: داعش گروهی افغانستان شمالی گه قدر ییتیب کیلگن

افغانستان جمهور رییسی نینگ بیرینچی اورین باسری ژنرال عبدالرشید دوستم مزارشریفده نوروز بیره می نی نشانلش مراسمیده قیلگن چیقییشیده، داعش گروهی حاضرگی کونده افغانستان نی جدی تهدید قیله یاتگنی باره سیده آگاه لنتیردی.

نوروزنی نشانلش یا جهنده توغینی کوته ریش عنعنه وی مراسمده جمهوررییس بیرینچی اورین باسری ژنرال عبدالرشید دوستم، پارلمان بیرقطار وکیللری، مزارشریفده گی قونسلخانه لر رسمیلری و بلخ حاکمی عطا محمد نور قتنشدی.

جمهوررییس بیرینچی اورین باسری صفتیده تعیینلنگنیدن سونگ، ایلک بار حضرت علی مرقدی جایلشگن روضه ی مبارک ده نشانلنگن مراسمده چقیش قیلگن ژنرال عبدالرشید دوستم داعش گروهی فعالیتی و صلح مذاکره لری خصوصیده توختلدی.

جناب دوستم حاضرگی کونده داعش گروهی فعالیتی نی جدی بیرتهدید دیب، شمالی بیرنیچه ولایتلرگه بوگروه آدملری کیلیب جایلشه یاتگنیدن خواطر بیلدیردی:" باشقه بیر خطر مملکتیمیز؛ خلقی میز وقوشنی لریمیزنی تهدید قیله دی، او قاره بیراق لردیر. داعش اته ی بیلن فاریاب، جوزجان، سرپل و بدخشان ولایت لری اطراف لریده عایله لری بیلن کیلیب جایلشماقده بو ایسه مردم اوچون جدی تهدید ." دیدی جمهوررییس بیرینچی اورین باسری ژنرال عبدالرشید دوستم.

شونینگدیک جناب دوستم "داعش گروهی دن نجات تاپیش اوچون" افغانستان خلقی نی بیرلیک وبیردملیککه چقیردی.

بوندن آلدین محلی مقاملر افغانستان نینگ باشقه حدودلریده هم داعش گروهی فعالیتی باشلگنیدن خبربیرگندی.

عین حالده، جمهور رییس بیرینچی اورین باسری صلح مذاکره سی باره سیده هم فکربیلدیریب، مذاکره لر جریانی یاشیرینچ آلیب باریلمه ی یاتگنینی ایتدی:" حاضرگی شرایطده صلح مذاکره لری نیمه بولدی دیگن فکرلر بیلدیریلماقده، صلح مذاکره لری خصوصیده ایش آلیب باریلماقده عملی ایش باشله نیشی بیلن باسقیچمه باسقیچ مردمی میز آگاه بوله دی."

شونگه علاوه جمهور رییس بیرینچی اورین باسری طالبان بیلن مذاکره آلیب باریش باره سیده قوشنی اولکه لر، سعودی عربستان و اروپا بیرلشمه سی هم خبردار ایکنلیگی نی تاکیدله دی.

همده جناب دوستم جمهوررییس غنی نینگ ایرته امریکا گه رسمی سفرقیلیشدن خبربیردی.

جهنده توغینی کوته ریش مراسمیده بلخ ولایتی نینگ وقتینچه لیک حاکمی عطا محمد نورهم سوزگه چیقیب، اوتگن ییل عملگه آشیریلگن ریجه لری باره سیده فکر بیلدیردی.

نورزو نینگ بیرینچی کونی مناسبتی بیلن پایتخت کابل، مزارشریف و قطار ولایت لرده طنطنه لی مراسملر اوتکزیله دی. اما مزارشریفده مراسم انچه فرقلی بولیب قیرق کون گه قدر نوروز مناسبتی بیلن قطار اویین و دم آلیش کیفیتلری یولگه قوییله دی.