فرخنده قتل ایتیلیشی گه قرشی بوگون کابلده کینگ اعتراض یولگه قوییلدی

بوگون هم کابل لیک لر، طلبه لر ومدنی جماعه اعضالریدن عبارت کمیده 2000 دن آرتیق کیشی عالی محکمه برابریده توپله نیب مدنی اعتراض اوتکزدیلر. اولرفرخنده قاتللری قولگه آلنیشی، عدالت تامین ایتیلیشی، کابل پلیس قوماندانی ایشدن آلینیشینی سوره دیلر.

شدت بیلن یامغیریاغیشی گه قره مسدن بونمایش ایکی ساعت دوام ایتدی.

بونمایشده قتنشگن لردن بیرقسمی عیال لربولیب ایریم لری نینگ یوزلری قیزیل بویاغ بیلن بویه لیب بوایسه فرخنده یوزلری قانگه بویه لیب شونده ی احوال گه توشیب اوز جانینی قولدن بیرگنینی افاده قیلردی.

اشتراکی ایتگن لرقوللریده فرخنده صورتی و تورلی شعارلربولیب، بیزفرخنده میز، قاتللرجزاله نیشی، عدالت تامین له نیشی وپلیس لرقانون گه تاپشیریلیشی یازیلگندی.

عینن اعتراضچی لر کاغذلرده یازیلگن شعالرنی تیلگه هم آلیب عالی محکمه برابریدن مکرویان 3و4گه باریب قوشیله دیگن یولگچه یوریشیب شعارلرنی بیرردیلر.

عین حالده کابل نینگ عالم لر کینگشی بیر ییغین یولگه قوییب قرخنده نی قتل ایتیلگننی ناروا عمل دیب بونی قاره لب چیقدیلر.

شونینگ دیک بوکینگش اعضالریدن عطاالله فیضانی کابل عالم لرکینگشی تکلیفی بیلن تعویذ نویس لردن بیرقطاری دکان لری حکومت تاماندن یاپیلگنینی ایته دی.

اوتگن 5شنبه کونی فرخنده ناملی عیال کابل شهری نینگ شاه دو شمشیره مسجدی یقنیده قرآن کریمنی یاندیرگنلیککه عیبله نیب غضبلنگن بیرگروه اهالی تاماندن کلتکله نیب و تاشله نیب اولدیریلدی وکیین جسدی ایسه یاندیریلدی.

فرخنده نینگ جسدی یوزلب نفر اشتراکی بیلن یکشنبه کونی کابل نینگ 500فامیلی گورستانی ده توپراققه تاپشیریلدی.

اونینگ تابوتی بیرینچی بارعیاللرتاماندن قبرستانگچه آلیب باریلدی.

بوواقعه یوزبیریشی ایسه مملکت بویلب جدی اعتراض لرگه سبب بولیب حکومت دن قاتللروپلیس فرخنده نینگ قوتقزیشگه حرکت قیلمه گنی اوچون جزاگه تارتیلیشینی طلب قیلماقده لر.

اوتگن کونی هم فرخنده وفات ایتگن محلده یوزلب کیشی ناراضی لیک نمایشی اوتکزگندیلرشونینگ هرات، مزارشریف وبامیان ولایت لرمدنی جماعه چیلیک اعضالری بوقتل گه نسبتن اعتراض بیلدیریب حادثه عامللری قتیق جزاله نیشی نی سوره ب چیقنندیلر.

بوندن تشقری بیرقطارمملکت لرده افغان وطنداش لری ییغین اوتکزیب فرخنده نینگ ماتم گه توشگن عایله سیگه قیغوداشلیک بیلدیریب واوز اعتراض لرینی بومساله گه نسبتن بیلدیرگندیلر.

امنیتی مسووللرگه کوره بوحادثه گه عیبلب 26نفربوجمله دن 13پلیس قولگه آلینیب وظیفه لری توخته تیلگن.

عین حالده افغانستان جمهور رئیسی هم بومساله نی جدی تیکشیریش اوچون نیچه اعضالیک بیرکمیسیون تشکیل بیردی.

جمهور رئیس لیک سرایی تاماندن نشر ایتیلگن بیاناتده کمیسیون اوزایشینی دوشنبه کونی رسمن باشله گنی معلوم قیلینگن.