کابلده فرخنده قاتللری جزاله نیش طلبی بیلن ناراضی لیک نمایشی یولگه قوییلدی

بوگون کابلده یوزلب کیشی ناراضی لیک اعتراضی اوتکزیب فرخنده نی قاتللری محکمه بولیب همده جزاله نیشلرینی طلب قیلیب چیقدیلر. بونمایشده اعتراضچی لر، او یاندیریلگن جایده نهال ایککن.اولرغنی وعبدالله بومساله گه اعتباربیرمسدن خارج سفرقیلگن لرینی هم تنقیدلب چیقدیلر.

ایرته لب ساعت اونده باشلنگن بومدنی اعتراض کابل شهری شاه دوشمشیره مسجدی یقینیده یولگه قوییلیب اشتراک ایتگن لرایریم سیاسی حزب اعضالری، مدنی جماعه اعضالری وبیرقطار کابل یشاوچیلری بولیب بونینگ یرمینی عیال قتلمی تشکیل بیرردی.

بو مسجد یقینیده بوندن تورت کون آلدین فرخنده ناملی یاش عیال غضلبنگن بیرقطارلرتاماندن قرآن کریمنی یاندیرگن لیککه عیب له نیب تاشله نیب وکلتکلب اولدیریلیشدن تشقری جسدی هم یاقیب یوباریلگندی.

نمایش اویوشتیرگن عیاللردن بیرقطاری یوزیگه نقاب لرتارتیلیب بونقاب لریوزیده فرخنده نینگ قانگه بویلگن عکسی صورتگه توشیریلگندی.

افغانستان بیرلشوو ناملی حزب یولگه قویگن بونمایشده قتنشگن لردن بیرقنچه سی قوللریده تورلی شعارلرویازیلیب بونده فرخنده نینگ قاتللری قتیق جزاله نیشی وافغانستان جمهور رئیسی واجرائیه رئیسی بومساله گه اعتبار بیرمسدن تشقریگه سفرقیلگن لری هم تنقید قیلینگن ایدی.

شونینگ دیک بیرقنچه کیشی بوجمله دن مسجد امام لریدن بیری بومساله دن حمایه ایتگن لیگی سبب اولرصورت لری یوزیده هم خط تارتیلگنی هم نمایشچی قوللریده کورسه تیلیب تورگندی.

اما شونگه قره مسدن افغانستان جمهور رئیسی بومساله نی تیکشیریش اوچون بیرکمیسیون تشکیل بیرگندی.

ایکی ساعت دوام ایتگن بواعتراضده قوللریده توتیلگن یازیلگن شعارلر تیلگه هم آلینردی، اونینگ یاندیریلگن جایی ده بیرنهال هم ایکدیلر.

باشقه تاماندن ملی مجلس امنیتی مسووللرنی پارلمانگه چیقریب ملت وکیللری دن بیرقنچه سی امنیتی وضعیت دن تشویش اظهار ایتیب واینیقسه فرخنده نی قوتقریشگه پلیس اعتبارسیزلیک قیلگن لیگینی تنقیدلب چیقدیلر.

عین حالده هرات ولایتی ده هم بوگون توشدن آلدین یوزلب مدنی جماعه اعضالری بوباره ده اعتراض بیلدیریب نمایش یولگه قویگن.

اولرهم بوعیال قاتللری دولت تاماندن محکمه ایتیلیب عین دمده بو ولایت ملت وکیلی ناهید فرید بو واقعه آرتیده تروررماقلری بارلیگی نی ایتگن.

شونینگ دیک اولردولت ترورچیلیککه قرشی کوره شیش اوچون جدی سعی وحرکت قیلیشی ومملکتده گی مسجد امام لری رویخطگه آلینیب وکیم لیک لری تانیلیشینی سوه گن لر.

عین حالده خارجده حیات کیچیره یاتگن بیرقطار افغان لرهم مدنی اعتراض یولگه قوییب افغانستان حکومتی بو عیال قاتللرینی جزاله نیشینی طلب قیلگن لر.

مزارشریف ده اوتگن کونی بیرقطار مدنی جماعه اعضالری فرخنده نینگ غیابی جنازه سینی اوقیگن لر.

ایچکی ایشلروزیری گه کوره گواه وحجت لراساسیده فرخنده قرآن کریم نی یاندیرمه گن لیگی نی اثبات ایتیشی ممکن.

بوحادثه آرتیدن 26نفر قولگه آلینگن بولردن 13کیشی پلیس ماموری بولیب اولروظیفه سی هم توخته تیلگن.