ملی بیرلیک حکومتی رهبرلری امریکاگه سفرقیلگن

Image copyright REUTERS

افغانستان جمهور رئیسلیگی مطبوعات خذمتی اداره سی نینگ خبربیریشیچه کونی کیچه ملی بیرلیک حکومتی رهبرلری امریکا حکومتی رسمی لری بیلن اوچره شیش مقصدیده واشنگتن گه ییتیب بارگن. جمهور رئیس محمد اشرف غنی وحکومت نینگ اجرائیه رئیسی عبدالله ملی بیرلیک حکومتی تشکیل ایتیلیشی دن کیین امریکاگه ایلک بار سفر قیلماقده. اوباما رهبریتی ده بولگن حکومت ملی بیرلیک حکومتی تشکیل ایتیلیشی وجهمور رئیس لیک سیلاویده یوزبیرگن قانون بوزلیک لرآرتیدن یوزه گه چیققن جنجل نی حل ایتیشده مهم رول اوینه گندی. جمهور رئیسلیک مطبوعات خذمتی بیاناتی اساسیده اوشبو 5کونلیک سفرده افغانستان جمهور رئیسی امریکا جمهور رئیسی بارک اوباما، کنگره اعضالری، ناتوباش کاتبی ودنیابانکی هیاتی بیلن اوچره شیشی ممکن. غنی جنابلری امریکاگه سفرقیلمسدن بیرکون الدین رسانه لر بیلن بولگن صحبتیده امریکا حکومتی دن هیچ قنده ی یاردم سوره مه گنینی ایتدی. اونگه کوره: "امریکا کنگره سیده مین توخته له دیگن مساله عملگه آشیره دیگن ایشلریمیزبولگن، تهدیدلرواونی آلدینی آلیشگه بولگن منبع لرو قابلیت لریمیزنظرده توتیله دی" بوندن نیچه آی آلدین افغانستان جمهور رئیسی امریکادن اوز حربی کوچلرینی آلیب چیقیش مساله سیگه شاشلینچلنمسلیگینی سوره گندی. اوتگن کونلرده امریکا رسمی لری اوباما حکومتی امریکا حربی لری نینگ آلیب چیقیلیشی خصوصده گی برنامه نی محاکمه ایتیب ومنطقه ده گی خوف سیزلیک مساله سینی نظرده توتگن حالده بوموضوعنی کوریب چیقیلیشی نی ایتگندی. ملی بیرلیک حکومتی رهبرلری نینگ امریکاگه بولگن سفرلری اثناسیده امریکا رسمی لری ایکی مملکت علاقه لری باره سیده خرسندلیک بیلدیریب وافغانستان بیلن امریکا آره سیده گی علاقه لر کرزی حکومتی دوریگه نسبتن نهایت یخشی دیب تاکیدله گنلر. امریکا نینگ افغانستان وپاکستان بوییچه مخصوص نماینده سی خانم لوار میلر بی بی سی گه ایتیشیچه امریکا، افغانستان ملی بیرلیک حکومتی آلدینگه قویگن بیرینچی ایشلریگه قره ب تورلی خیل مخصوص یاردم لرکورسته دی. بو سفرده افغانستان جمهور رئیسینی تشقی ایشلر وزیری صلاح الدین ربانی، ملی امنیت مصلحتچیسی حنیف اتمر، مالیه وزیری اکلیل حکیمی، ملی اردو قوماندانی شیرمحمد کریمی، ملی امنیت رئیسی رحمت الله نبیل، انسان حقلری بوییچه حمایه ایتووچی تشکیلات رئیسی خانم سیماثمر، اقتصاد بوییچه مصلحتچی عمر زاخیل وال و تینچ لیک عالی کینگشی کاتبی محمد معصوم استانکزی لر یولداشلیک قیله دیلر.