افغانستانده سیلاوتیزیمی نی اصلاح ایتیش اوچون مخصوص کمیسیون تشکیل ایتیلدی

جمهور رئیس لیک سرایی بیاناتی گه کوره افغانستان جمهور رئیسی سیلاو تیزیمی بنیادی شکلده اصلاح ایتیلیشی، خلققه عاید تیزیم کوچله نیشی، دولت اداره لریگه خلق ایشانچی آشیشی، قانون حاکمیت تاپیشی وسیلاوگه عاید قانون بوزرلیک لرآلدی آلینیشی اوچون فرمان بیریب شکریه بارکزی نی سیلاو تیزیمینی اصلاح ایتییش مخصوص کمیسیون باشلیغی قیلیب تعیینلگن. بوکمیسیون نینگ ایجاد ایتیلیشی اوتگن ییلی جنجللرگه سبب بولیب تشکیل ایتیلگن ملی بیرلیک حکومتی نینگ کیلیشگن ماده لردن بیری ایدی. افغانستان جمهور رئیسی فرمانی اساسیده بوکمیسیون معاونی صدیق الله توحیدی واعضالری عبدالقدیرکریاب، بشیرفاروق، محمد امین احمدی، فیض الله ذکی، کاوون کاکر، صبرینا ثاقب، گل احمد مددزی، عزیزالله رفیعی، عدلیه وزیرلیگی اورین باسری عبدالمجید غنی زاده، بیرلشگن ملت لر تشکیلاتی وکیلی تادامیچی یاموتو لردن عبارت بولگن. شونینگ دیک بو کمیسیون کاتب لری شاه سلطان عاکفی و وژمه فروغ لربولیب تعییلنگن. بوبیاناتده کیلیشیچه تشکیل ایتیلگن کمیسیون اوز فعالیت لرینی فرمان بیلن بیرگه صادر ایتیلگن لایحه اساسیده آلغه آلیب باره دیلر. بو کمیسیون نینگ تشکیل ایتیلیشی افغانستان نینگ خلق ارا اتفاقچی لری نینگ طلب لریدن هم بیری بولیب وبونینگ تشکیل ایتیلیشی افغانستان جمهور رئیسی محمد اشرف غنی واجرائیه رئیسی عبدالله عبدالله نینگ امریکا گه قیله دیگن سفرلری دن آلدین اعلان بولدی.