مزارشریفده فرخنده قتلیگه اعتراض بیلدیریلدی

شمالی مزارشریف ده اونلب مدنی فعال عیاللر پنجشنبه کونی کابلده قرآن نی اوتگه یاندیرگنلیکده عیبله نیب، مردم تمانیدن اولدیریلگن فرخنده نینگ قتل حادثه سیگه اعتراض بیلدیریب، اونینگ قتل عامللری اعدام ایتیلیشینی سوره گنلر.

اولر عیبدار شخصلر اعدام قیلینمه گن تقدیرده، کینگ اعتراض ـ نمایشلرگه قول اوریشلری ممکنلیگی باره سیده آگاه لنتیردی.

بلخ ولایتی ولایت کینگشی ایچیده اوتکزیلگن بو اعتراض ده اونلب مدنی فعال عیاللر وایرککلر، قتنشدی. اولر فرخنده نینگ قتل حادثه سینی قاره لب، دله ده اوتکزیله یاتگن محکمه لرگه پایان بیریلیشی باره سیده شعار بیریشدی. بو اعتراضچیلر پنجشنبه کونی کابلده وحشیلیک روشده اولدیریلگن فرخنده نینگ قتل عامللری اولیم جزا سیگه حکم قیلینیشی سوره ماقده لر. بو مدنی جماعه چیلیک فعاللر ی اوز اعتراضلریده بو حادثه نی انسانیت سیز اتب، افغانستان ملی بیردملیک حکومتی دن عیاللرگه قرشی اوتکزیله یاتگن بونده ی شفقتسیز حادثه لرگه بی فرق قالمه ی، عدلی وقضایی اداره لر موضوع نی جدی تیکشیریشینی طلب قیلیشدی.

اعتراضچیلر شونینگ دیک، حکومت دن اوز وظیفه لری خصوصیده بی فرق عمل قیلگن خوفسیزلیک مسووللری برابریده جدی یانده شیب، حادثه نی حمایه قیلیشینی اعلان قیلگن حکومت بیرقطار رسمیلری تیزلیک بیلن ایشدن بوشه تیلیشینی سوره ماقده لر.

اوتگن پنجشنبه کونی کابل مرکزیده جایلشگن شاه دوشمشیره میچیتی آلدیده، غضبلنگن مردم فرخنده نی قران نی اوتگه یاندیرگنلیکده عیبلب، اولدیریشدی، کیین ایسه، اونینگ جسدیگه اوت قوییشدی. بو مسله قطار مدنی اعتراضلرگه سبب بولماقده.