ارزگانده یوزلب کیشی بو ولایت پلیس قوماندانینی اولدیرگنلرقولگه آلینیشینی طلب قیلگن

ارزگان ولایتی ترینکوت مرکزیده یوزلب کیشی حکومتدن بو ولایت پلیس قوماندانی جنرال مطیع الله قتلی باره سیده تحقیقات اوتکزیلیشینی طلب قیلیب چیققن.

اوتگن هفته افغان امنیتی رسمی لری جنرال مطیع الله خان نی کابلده یوزبیرگن خودکش هجومده اوزجانینی قولدن بیرگینینی ایتگندی.

اونینگ اولیمی دن بیرکون اوتیشی بیلن افغان رسمی لری ایتیشیچه او رسمی سفربیلن کابلگه تشریف کیلتیرگندی.

وچهار شنبه کونی آقشام بورقع کییلگن هجومچی تاماندن هجومگه توتیلیب اولدیریلدی.

اعتراضچی لر جنرال مطیع الله کابل گه چقیریلیب سرلی طرزده رحم سیزلیک بیلن قتل ایتیلگنینی ایتیشگنلر.

مطیع الله خان کیم ایدی

حالبوکی طالبان حرکتی بوقتلنی اوز عهده سیگه آلیشگن، اعتراضچی لر ملی بیرلیک حکومتی اونینگ قتلیگه مسوول بولگن لرنی تیزلیکده محکمه گه تارتیب وبوحادثه خصوصیده تیکشیرو اوتکزیشینی سوره گنلر.

اولرگه کوره بوطلب لریگه جواب بیریلگونچه اوز اعتراض لرینی دوام ایتدیریش لری ممکن.

مطیع الله خان طالبان گه قرشی سیما لردن بیری حسابلنه دی.

او ناتو کوچلری نینگ ماموریتی جنوبی حدودده بولگنده یول امنیتی نی تامین لش مقصدی بیلن ناتوتامینات کاروانلریدن کته مبلغ لرقولگه کیلتیریب وجنگری لرگه قرشی امریکا نینگ مخصوص حربی لری بیلن اوروشردی.

Бу мавзуда батафсилроқ