افغانستانده گی آسوشیتدپرس خبرنگاری قاتلی 20ییل قماققه محکوم ایتیلدی

خوست ولایتی نینگ پلیس قوماندانی نقیب الله بوندن بیر ییل آلدین آسوشیتدپرس خبرگزارلیگی عکاسی آلمانلیک آنیانیدرینگهاس نی اولدیریب وکانادالیک خبرنگارکتی گنون نی یرلنتیردی.

افغانستانده گی محکمه آسوشیتدپرس خبرگزارلیگی صورتچیسی قاتلی نی 20قماققه محکوم ایتدی.

افغانستان جزا قانونی ده 20ییل قماق اینگ اوزاق مدت حسابلنه دی.

اوتگن ییلی بو خبرنگارافغانستان جمهور رئیسلیک سیلاوینی یاریتیش اوچون افغانستان سیلاولرمستقل کمیسیونی کاروانی بیلن خوستگه سفر قیلیشگندی.

محکمه ده اظهارات بیریلیشیچه آنیا وکتی نقلیه واسطه ده اولتیرگن پیتی نقیب الله اکبردیب قورال آرقه لی اولرگه قره ته اوق اوزگن.

26یاشده بولگن نقیب الله محکمه جریانیده قتل باره سیده انیق دلیل کیلتیرمه گن فقط بیربار نورمال انسان ایمسلیگی نی تیلگه آلگن.

ابتدایی محکمه بوندن آلدین اونی بوخبرنگارنی قتل ایتگن لیککه عیبلب اعدام جزاسیگه حکم ایتگندی.

او دوسیه سی قیته کوریب چیقیلیشی نی طلب قیلیب شوسبب اونینگ دوسیه سی استیناف گه حواله ایتیلگندی.

استیناف محکمه سی 20ییل قماق جزاسی نی صادر ایتدی، نهایی باسقیچده عالی محکمه هم بوقرارنی تصدیقله دی.

نهایی محکمه قراری نهایی توختم سنه له دی، بیراق محبوس نینگ یخشی معامله سی بیلن قماق مدتی هم قیسقریشی ممکن.