افغانستان: هرقنده ی تهدید کورسه تیلگنده سعودی یانیده تورگنمیز

Image copyright ARG

افغانستان دولتی یمنده گی جنگده اوز حماتینی عربستاندن اعلان ایتدی.

افغانستان جمهور رئیسلیک اداره سی خبرنامه سیده کیلیشیچه افغانستان، کیره ک بولگنده حرمین شریفین سرزمینی دن مدافعه ایتیش اوچون بار کوچی بیلن سعودی عربستان مملکتی یانیده توریشی ممکن.

افغانستان جمهور رئیسلیگی مطبوعات خذمتی نینگ معلوم قیلیشیچه بوقرار مملکت بویلب عالم لر وجهادی رهبرلربیلن مصلحت اوتکزیلیب آلینگن.

یمن نینگ ایریم قسم لری حوثی حربی لری تصرفیگه اوتگن دن کیین سعودی عربستان نیچه مملکتدن عبارت بولگن بیر اتفاق توزیب ویمن ده گی حوثی لرگه قرشی هجوم نی باشله دی.

جمهور رئیسلیک سرایی بیاناتیده قید ایتیلیشیچه افغانستان دولتی وخلقی سعودی عربستان بیلن تاریخی و دینی علاقه لری بولیب وحرمین وشریفین توپراغیدن مدافعه ایتیش هربیرمسلمان وظیفه سی بولگن.

افغانستان جمهور رئیسلیگی مطبوعات خذمتی نینگ تاکیدلشیچه افغانستان دولتی خلققه تیگیشلی حکومتدن حمایت ایتیب ویمن نینگ قانونی حکومتیدن اوز آرقه داشلیک ایته دیلر.

افغانستان دولتی اوروش وناتینچلیک لرعاقبتی دن تجربه سی بولگنی اوچون اسلامی مملکت وبیرلشگن ملت لرتشکیلاتی واسلامی همکارلیک بوییچه تشکیلات لردن تینچلیک برقرارله نیشیگه همکارلیک قیلیش لرینی طلب قیلگن.

Image copyright BBC World Service

یمن بحرانی انصارالله گروهی علاقه داربولگن حوثی حربی لری تاماندن پایتخت صنعا تصرف ایتیلیب قدرت نی قولگه آلیش دن کیین باشلندی. وعبدربه منثور هادی نینگ قدرتی آلیندی.

هادی جنابلری میلادی 2012ییل جمهور رئیسلیک لوازمیدن علی عبدالله صالح چیتله تیلیشی بیلن یمن جمهور رئیسی بولیب تعیینلندی.

هادی جنابلری اوروش شدت لشگنی باعث مملکت نینگ جنوبی گه کیتیشگه مجبورلندی.

سونگی کونلرده حوثی لر بیلن اتفاق توزگن سابق جمهور رئیس علی عبدالله صالح طرفدارلری منصورهادی گه طرفدارکوچلرگه قرشی هجومی آرتیدن آغیرجنگلرکیچماقده.

حوثی کوچلری یمن نینگ بیرقسمی نی اوز نظارت لریگه اوتکزیش اوچون بوحدودگه کیریش لری بیلن سعودی عربستان هوا آرقه لی حربی عملیات باشله گن.

نیچه کون آلدین عربستان پادشاهی ملک سلمان بوهجوم حوثی لرنی یمنده شکستگه اوچره تگونچه دوام ایتیشی ممکن لیگی نی تیلگه آلدی.

ایران عربستان هجومینی قاره لب چیققن. سعودی عربستان عربی مملکت لردن عبارت یمن گه هجوم قیلیش اوچون جبهه توزیشگه موفق بولدی.

اما کوپلب ایش بیلرمان لرنینگ فکرلریچه یمن ده دوام ایته یاتگن وضعیت سنی وشیعه لردن وکالت قیله دیگن ایران وعربستان قدرت لرینی کینگه یتیریش مقصدیده، آلیب باره یاتگن بیلله شوولریدن کیلیب چیقماقده.