ماین خطریدن آگاه له نیش خلق ارا کونیده معلوللر کابلده ناراضیلیک نمایشی اوتکزدی

ماین خوفی دن آگاهله نیش خلق ارا کونی بوگون کابلده یوزلب ناگران ناراضی لیک نمایشی اوتکزگن.

اعتراض اویوشتیرگن معلوللرنینگ ادعا قیلیشلریچه قصبه شهرچه سی اوچون قوریلگن عمارتلرده اولرنینگ سهمی عدالتلی ترقه تیلمه گن.

افغانستان دولتی آلگن قراری اساسیده قصبه شهرچه سی ده گی قوریلگن عمارت لردن 7فایزی ناگران لرگه و7فایزهم شهیدلرعایله سیگه اجره تیلگن.

ماین پارتله شی سبب اوز بدن اعضالرینی قولدن بیرگن یوزلب آدم بوگون ایرته لب کابل شهریده ناراضی لیک نمایشی اویوشتیردیلر.

بونمایش اویوشتیریلگن محلگه کیلیب قوشیله دیگن یوللرهم ترافیک یوزیگه باغلیق ایدی.

اعتراضچی لر اولراوچون نظرده توتیلگن شهرچه لرده گی تورر اویلرعدالتلی روشده ترقه تیلمی بلکی احتیاج بولمه گن کیشی لرگه بیریلگنینی ادعا قیلیشماقده.

اولرگه کوره قیته- قیته دولت اداره لریدن بوخصوصده قیته کوریب چیقیلیشینی طلب قیلگنلر،اما بوطلب لرنتیجه لی بولمه گن. "اسنادیمیزهم بار، همه نرسه میز بار، باش قاره لاوچیلیک، ملی امنیت، امور اداره سی 18مرته بومساله اوچون جلسه آلیشدی، اما بو آپارتمانلرنی توزیع قیله آلمه دیلر، اوزلری نینگ بیرقطارلرآدم لری معلول واحتیاج هم ایمس پول مقابلیده بوعمارت لرنی عدالت سیز روشده ترقتگنلر، بیزعدالتلی طرزده توزیع بولیشینی ایسته یمیز" دییدی ناگران لردن بیری

اعتراضچی لردن بیرقطاری اولرنینگ طلب لری گه توجه بولمه گن حالده اوزاعتراضلرینی دوام ایتدیریشلری بیلن آگاه لنتیرماقده لر."همه میز اولمسک شو ییردن قیمیر له مه یمیز، حقوقیمیز تامین لنگونچه مدنی اعتراضیمیزنی دوام ایتدیره میز" دییدی معلول لردن ینه بیری

افغانستان شهید ومعلول لر وزیرلیگی بو اعتراضگه مناسبت بیلدیریب ایتیشیچه ییرنی ترقه تیش جریانی شفاف طرزده عملگه آشگن. بوباره ده شهید لروناگران لروزیرلیگی نینگ ییرترقه تووچی بولیم مسووللریدن محمد ایوب "کمیسیون اعضالریدن 10نفرحضوریده قرعه کیشلیک بولدی، امنیت اداره سی، ایچکی ایشلروزیرلیگی ، باش قاره لاوچیلیک اداره سی ، امور اداره سی، شهر قوریش وزیرلیگی، معین جنابلری ورئیس جنابلری بارایدی قرعه کشلیک بولیب ترقه تیلر" دییدی تورر ییرترقه تووچی بولیم مسوولی

بلاک نامیگه بولگن بو توررعمارت لرآدم لرگه تیکین یا رایگان هم بیریلمه یدی. اما معلول لر وشهیدلرنینگ عایله لریگه 30فایزکم نرخده ترقه تیله یاتگنی معلوم قیلینه دی.

ماین پارتله شی عاقبتیده اوزقول وآیاقلرینی قولدن بیرگن لر ساغلام آدم لرگه نسبتن جسمانی جهتدن فعالیت لری چیکله نیش اولرنی حیاتده قیینلتیره دی.

یقنیده افغانستان جمهور رئیسی محمد اشرف غنی نینگ ایتیشیچه اونگه ییتیب کیلگن معلومات اساسیده مملکت نینگ 80فایزی ماین دن تازه لنگن. مملکت ینه اوروش لرگه صحنه بولیب اوروش تامان لری ماین اورنته یاتگنی آدم لر حیاتینی خوفگه ساله یاتگنی اوچون تشویشلرنی توغدیرماقده.

ماین تازه لش اداره سی سعی وحرکتی گه قره مسدن هرییلی ییرده اورنه تیلگن ماین لرپارتلب کوپچیلیکدن جان آله یاتگنی گزارش قیلینه دی.