اوزبیکستان اسلامی حرکتی کله کیسرلیک عکس ایتگن ویدیو ترقتدی

افغانستان ده فیبروری آی 31 کیشنی گروگه آلگن گروه ترقتگن ویدیوده توتقونلردن بیری نینگ باشی تنه سیدن جدا قیلنه دی. ایرملر بو جنگری گروه افغانستانده ایلدیز آتیشگه اورینه یاتگن" اسلامی دولت" گه تیگشلی دیب تخمین قیلیشه دی . اما عینی ویدیوده جنگری لر اوز لرینی اوزبیکستان اسلامی حرکتی دیب تقدیم قیلیشدی. ویدیوده ایککی نقاب کیگن و قوراللنگن شخص قرشی لریده تیز چوکیب تورگن آدمگه گپریشه دی. اونده نمه ایش قیلیشنی سورشه دی. تیز چوکیب تورگن شخص اوزی نینگ عسکر ایکنینی ایتدی. بو آدمنی اولدریشگنیدن کیین جنگری لر حکومتگه اوز طلب لرینی ایسله تیب، اگر اولر بجریلمه سه باشقه توتقون لر هم قتل قیلنیشنی ایتیشه دی. اولرنینگ طلب لری انیق ایمس، اما محلی خبر آژانس لریگه کوره، جنگری لر اوز صفداش لرینی قماقخانه لردن آزاد ایتلیشنی سورشماقده.

توتقونلیکده قاله یاتگن لرنینگ اکثریتی هزاره لردیر. هزاره لر رهبرلریدن بیری محمد محقق گه کوره ، جنگری لر" اسلامی دولت" حرکتیگه باغلیق گروه دیر. اما ویدیو لوحه ده جنگری لر اوز لرینی اسلامی حرکت نینگ اعضالری دیب تانیشتیریشه دی. اوزبیکستان اسلامی حرکتی اوتگن عصر نینگ 90 ینچی ییللریده تشکیل تاپگن و هم افغانستان ، هم پاکستان طالبلر قطارده بولگن گروه اولراق تانیلگن. افغانستان ملی خوف سیزلیک خذمتیگه کوره، اولدیرلگن شخص افغانستان اوردو کوچلری نینگ سابق عسکری بولیب، 31 نفر گرو گه آلینگن هزاره گه علاقه سی یوق. اوزبیکستان اسیلامی حرکتی نینگ اساسینی سابق اوزبیکستان لیک و مرکزی آسیا لیک جنگری لر تشکیل قیله دی. اوتگن ییل اوزبیکستان اسلامی حرکتی کراچی هوا قونلاغه سیگه هجوم اویشتیرگن ایدی. بو اوزبیکستان اسلامی حرکتی تمانیدن ایلک بار کله کیسرلیک عکس ایتگن ویدیو ترقه تیش دیر.