بلخ قاره لاوچی لیک اداره سیگه اویشتیرلگن هجومده 5 نفر هلاک بولدی

پولیس اداره سی تلفات لر حقیده انیق معلومات هنوزگچه مطبوعاتگه بیرمه گن، اما مزارشریف ملکی شفاخانه سی باش شفاکاری نورمحمد فیض، حادثه جاییدن 57 نفر یره دار و 5 جسد شفاخانه گه ییتکزیلگنینی ایتگن. اولر ایچیده مزارشریف آلتینچی حوزه سی پولیس قوماندانی هم موجود بولگن. یره لنگنلر ایسه، تورت قاره لاوچی عیال، پولیس عسکرلری و تینچ اهالی بولگن. شونینگ دیک، بو حادثه ده بلخ امنیه قوماندانلیگی سوزچیسی هم یره لنگن. محلی ده گی گواه لرگه کوره، قاره لاوچیلیک بناسیگه 8 نفر خودکش هجومچی باستیریب کیریشگن.اما بلخ پولیس قوماندانلیگی سرپرستی عبدالرزاق قادری هجومچیلرسانی تورت نفر ایکنی نی معلوم قیلگن. انتحارچیلر حاضرگه قدر هم پولیس بیلن توقنشیب، محل پولیس، ملی اردو و ملی امنیت کوچلری تمانیدن قورشیب آلینگن. ایتیلیشیچه، هجومچیلر قاره لاوچیلیک خادملریدن بیرتعدادینی گیروگه آلیشگن. بلخ حاکمی عطا محمد نور بو هجوم نی قاره لب، انتحارچیلرگه قرشی عملیات نی رهبرلیک قیلگن. اما هنوزگچه اولرنی نابود قیلیشگه قادر بوله آلمه گن. بو حادثه مسوولیتینی طالبان اوز ذمه سیگه آلگن و اوزینی طالبان سوزچیسی دیب تنیشتیرگن ذبیح الله مجاهد، اوزی نینگ تویتیر صحیفه سیده بو هجوم اولر تمانیدن عملگه آشیریلگنی نی ایتیب، هجومچیلر 30 دن آرتیق خوفسیزلیک عسکرلرینی اولدیرگنلیگینی ادعا قیلگن. مذکور حادثه مزارشریف اهالیسینی قتیق قورقووگه سالیب، محلی ده گی عایله لر اوی جایلرینی ترک ایتیشیب، شهرده گی اکثر دکانلر حادثه آرتیدن یاپیله باشله گن.