افغانستان جمهوررییسی محمد اشرف غنی ایران گه سفر قیلدی

Image copyright arg

جمهوررییس محمد اشرف غنی ایکی کونلیک بو رسمی سفریده ایران جمهوررییسی حسن روحانی و باشقه بیرقطار رسمیلر بیلن اوچره شیشی کوتیله دی.

افغانستان جمهوررییسلیک سرای تمانیدن نشری ایتیلگن خبرنامه ده تاکیدله نیشیچه اوشبو سفر جریانیده ایکی مملکت اره سیده همکارلیک بیتم ایران وافغانستان تشقی ایشلر وزیرلری تامانیدن امضاله نیشی ممکن.

اونی بو سفرده اجراییه رییسی نینگ ایکینچی اورین باسری محمد محقق، افغانستان تشقی ایشلر وزیری صلاح الدین ربانی، مالیه وزیری اکلیل حکیمی، کانلر وزیری داوود شاه صبا، ملی امنیت مصلحت چیسی حنیف اتمروباشقه بیر قطار رسمیلر یولداشلیک قیله دی.

جمهوررییس محمد اشرف غنی بوند قریب بیرآی الدین ایران گه سفر قیلیشینی ریجه لشتیرگن ایدی، اما پنجشیر ولایتیده یوزبیرگن قارکوچکیسی سبب سفرینی کیچیکتیردی.

بو قار کوچکیسی نتیجه سیده کمیده 200 کیشی قربان بولگن ایدی.

یمن بحرانی اوچون عربستان و ایران اره سیده قرشیلیک لر کوچیگن بیرپیت جمهوررییس غنی ایران گه سفر قیلدی و افغانستان هم عربستان دن حمایت بیلدیردی.

بوندن بیرنیچه کون مقدم جمهوررییسلیک سرای بیر اعلامیه نشر ایتیب افغانستان خلقی نینگ عربستان بیلن دینی و تاریخی علاقه سی بارلیگینی اورغولب حرمین شریفین دن مدافعه ایتیش هربیر مسلمان وظیفه سی ایکنلیگینی ایتگن ایدی.