جلال آباده یوزبیرگن انتحاری هجومده اونلب کیشی اولیب یاره لنگن

معلومات لرگه کوره، شرقی ننگرهار ولایت مرکزی جلال آباد شهریده یوزبیرگن انتحاری هجوم تلفاتی 33 کیشی گه ییتیشگن، همده یوزدن ارتیق شخص هم یاره لنگن.

ننگرهار ولایتی نینگ عامه ساغلیک رییسی نجیب الله کامه وال بورقمنی تصدیق لب هلاک ایتتیلگنلر جسدلری و یاره لنگن لر کسلخانه ییتکیزیلگنینی ایتگن.

ننگرهار ولایتی نینگ پلیس قوماندانی فضل احمد شیرزاد مطبوعات بیلن بولگن صحبتیده، کابل بانک نماینده لیگی مقابلیده یوزبیرگن انتحاری هجومده 22 کیشی هلاک و ییللیک دن ارتیق شخص هم یاره لنگنینی ایتگن ایدی.

شونینگ دیک شیرزاد جنابلری نینگ ایتیشیچه ایریم دولت ایشچیلری آیلیک لرینی آلیش اوچون بانککه مراجعه قیلگن ایکنلر.

اوزینی طالبان گروهی سوزلاوچیسی دیب تانیشتیرگن ذبیح الله مجاهد هجوم اولر ایشی بولمه گنینی ایتیب قتتیق قاره له گن.

ایکینچی پارتلش هم شهرده گی زیارت لردن بیریده یوزبیرگن، محلی رسمیلرنینگ ایتیشلریچه بو پارتلش تلفات قالدیرمه گن، همده مقاملر یول چیککه سیگه اورنه تیلگن بیر ماین بیکار قیلینگنیدن خبربیرگن.