سرپل ولایتیده قوراللی لر تامانیدن اوغیرلنگن شخصلر قوییب یوباریلگن

سرپل ولایتی نینگ پلیس اداره سی باشلیغی حبیب گلبهاری بی بی سی بیلن بولگن صحبتیده ، اوغیرلنگن یتتی کیشی قوم باشلیغ لری واسطه چیلیگی بیلن آزاد ایتیلگنینی ایتدی. بوندن آلدین گلبهاری جنابلری اوغیرلنگن لر سانی اون بیرکیشی بولگنینی ایتگن ایدی.

بو یتتی کیشی بوندن قریب اون تورت کون مقدم سرپل مرکزیدن اوشبو ولایت نینگ بلخاب تومنی و بو اولسواللیک دن مرکز قره ب کیته یاتگن بیرپیت یولده قوراللی لر تمانیدن اوغیریلنگن ایدی.

سرپل ولایتی نینگ پلیس باشلیغی گه کوره، یتتی کیشی بلخاب تومنیده فعال بولگن قوراللی عصیانچی هاشیم قریشی ادملری تمانیدن اوغیرلنگن ایکن.

پلیس باشلیغی بو شخصلر قوم باشلیغ لری سعی وحرکتی بیلن ازاد ایتیلگنینی ایتدی:" بلخاب قوم باشلیغ لری واسطه چیلیگی بیلن اوغیرلنگن لردن ایککی نفری نیچه کون الدین و بیش نفری هم اوتگن کون آزاد ایتیلدی."

شونینگ دیک سرپل پلیس باشلیغی یتتی نفرنی آزاد ایتیلیش مقابلیده قوراللی عصیانچیلر تمانیدن پول طلب قیلگنینی ایتیب بیراق پول تولنمسدن قوم باشلیغ لری سعی و حرکتی بیلن ازاد ایتیلگنینی اورغوله دی.

سونگی وقتلر افغانستان نینگ ایریم ولایت لریده ادم اوغیرلش واقعه لری تیز – تیز یوزبیریب توره دی. بوندن بیرنیچه کون آلدین بلخ ولایتی نینگ شولرگه تومنیده هم بیش کیشی اوغیرلنگنی تصدیق لنگن ایدی.

همده دایکندی ولایتی ده هم ییگیرمه مسافر اوغیرله نیب کینچه لیک قوییب یوباریلگن ایدی.قریب ایککی آیی الدین قندهار دن کابل قره ب حرکت قیلگن اوتیز بیر مسافر زابل ولایتی نینگ شاه جوی تومنیده اوغیرلندی

حاضرگه قدرهم اولرنینگ تقدیری بیللی ایمس. بومساله ایسه کینگ اعتراض لرگه سبب بولیب کیلماقده.