بیرلشگن ملتلر تشکیلاتی: افغانستانده اهالی تلفاتی ایکی فایز کمه یگن

Image copyright unama

بیرلشگن ملتلر تشکیلاتی نینگ ینگی حساباتیده میلادی 2015 ییل نینگ اوچ آی اولیده افغانستانده عادی اهالی تلفاتی ایکی فایز کمه یگنی خبرقیلینگن. حساباتده جنوری آیدن مارچ آی نینگ آخریگه قدر 655 تینچ فقرا هلاک و 1150 کیشی هم یاره لنگنی قیدایتیلگن.

هرچند بو حساباتده عادی اهالی تلفاتی ایکی فایز کمیگنی ایتیلگن، اما پیاده اوروش لرده تلفات لر رقمی اوتگن ییلگه قره گنده سککیز فایز آشگنی تاکیدلنگن.

شونینگ دیک بیرلشگن ملتلر تشکیلاتی مذکور حساباتده افغانستانده گی اوروشلرده عیاللر و تینچ فقرا تلفاتی اون بیش فایز اشگنیدن خبربیرگن.

حساباتده یازیلیشیچه، جاری ییل نینگ اوچ اولیده یوزبیرگن توقنه شوولرده 55 عیال هلاک بولگن و 117 عیال هم یاره لنگن.

بیرلشگن ملتلر تشکیلاتی عادی اهالی تلفاتی گه اصلی عامل پیاده اوروش ایکن لیگینی ایتیب، ماین پارتلش لر وریجه لشتیریلگن قتللرنی ایکینچی و اوچینچی اورینده تورگنینی قیدایتگن.

بو تشکیلات اهالی تلفاتی نینگ 73 فایزیگه عصیانچی گروه لر 14 فایزیگه دولت کوچلرینی مسوول دیب کورستگن. همده تلفات نینگ یتتی فایزیگه مخالف قورالی لرو دولت گه طرفدار گروه لرنی مسوول ایکن لیگیی ایتلگن ، باشقه التی فایزتلفات ماین پارتلش نتیجه سیده یوزه گه کیلگنی تاکیدلنگن.

بیرلشگن ملتلر تشکیلاتی نینگ افغانستانده گی وکیلی نیکولاس هیسم اورش تمانلریدن اهالی تلفاتینی الدینی الیش اوچون جدی اعتبار بیریشلرینی طلب قیلگن.

ترقه تیلگن حساباتده یولگه قوییلیشی کوتیله یاتگن عملیات لرجریانیده عادی اهالی تلفاتی کیله جک آیی لرده آشیشی ممکن لیگیدن تشویش بیلدیریلگن.

میلادی 2015 ییل باشله نیشیده بیرلشگن ملتلر تشکیلاتی 1014 ییلده عادی اهالی تلفات میزانی اوته یوقاری بولگنینی ایتگن ایدی.

بیرلشگن ملتلر تشکیلاتی نینگ حساباتیده اوتگن ییل 3699 تینچ فقرا قربان و 6849 کیشی یاره لنگنی معلوم قیلینگن ایدی. میلادی 2013 ییل ده یوزبیرگن تلفاتی بیلن سالشتیرگنده 22 فایز تلفات میزانی آشگنینی کورسه ته دی.