اون آلتی ینگی کابینه وزیرلری قسم یاد قیلیندی

Image copyright ARG

ملی بیردملیک حکومتی نینگ آون آلتی وزیری جمهور رییسلیک سرایده قسم یاد بجا کیلتیردی، بو وزیرلر رای آلیش اوچون اولوسی جرگه گه تانشتیریلگندی و اولوسی جرگه اولرنینگ برچه سیگه ایشانچ آواز بیریشدی. بولردن تورته سی عیال بولگن.

همایون رسا تجارت وزیری، عبدالباری جهانی مدنیت وخبرلر وزیری، اسدالله ضمیر زراعت وزیری، محمد گلا منگل چیگره قبیله لر وزیری، محمود بلیغ عامه منفعت وزیری، عبدالستار مراد اقتصاد وزیری، محمد الله بتاش ترانسپورت وحنیف بلیغ معارف وزیری صتفتیده بوگون رسمی شکلده ایشگه باشله دیلر.

شونینگدیک، سید سعادت منصور نادری شهر قوریش وزیری، عبدالبصیر انور عدلیه وزیری، عبدالرزاق وحیدی مخابرات وزیری، دلبر نظری عیاللر وزیری، سلامت عظیمی مخدرماده لرگه قرشی کوره ش وزیری، فریده مومند عالی اوقوو وزیری، نسرین اوریا خیل ایش واجتماعی ایشلر وزیری و علی احمد عثمانی سوو برق وزیری صفتیده تانشتیریلدی.

Image copyright ARG

بو 16 نامزد وزیر ایککینچی دورده جمهور رییس تمانیدن اولوسی جرگه گه تنیشتیریلگن ایدی، بیرینچی دورده 19 نامزد وزیر ایشانچ آواز آلیشگه موفق بولگندی.

ملی بیردملیک حکومتی نینگ عمری دن یتتی آی اوتماقده، اما حاضرگه قدر هم ملی مدافعه وزیرلیگیگه نامزد هیچ بیر شخص تنیشتیریلمه گن.

جمهور رییسلیک سیلاولری عاقبتیده اورته گه کیلگن ملی بیردملیک حکومتی نینگ کیلیشوونامه سی اساسیده، اشرف غنی و عبدالله عبدالله ایکله تیمی کابینه ده برابر حقوقگه ایگه بولیشی ایتیلگندی. اما ایکله تیم اورته سیده اوتکزیلگن مذاکره لرده جمعی 25 وزیرلیکدن 13 ته سی غنی جنابلری و 12 ته سی عبدالله جنابلری تیمی تمانیدن تنیشتیریلیشی باره سیده کیلیشیشلگن.

ایتیلیشیچه، مدافعه وزیرلیگی اوچون نامزد کیله سی کونلرده تنیشتیریلیشی ممکن.