افغان شرکتلریدن بیری مملکت فوتبال تیمی نی حمایه قیلیشینی اعلان قیلدی

افغانستان تجارت کته شرکتلریدن بیری مملکت فوتبال فدراسیونینی اون بیش ییلگه قدر مالیوی حمایه لشی نی اعلان قیلگن. بو شرکت ییلیگه بو فدراسیونگه بیر میلیو دالر یاردم بیریشی نی ایتگن.

فوتبال اوچون بودجه آزلیگی بیرقطار فوتبالچیلرنینگ سپورت یانیده باشقه ایشلر بیلن شغللنیشیگه سبب بولگن.

بو تجارت شرکتی افغانستان فوتبال فدراسیونی نی اون بیش ییلگه قدر مالی حمایه لشی و هر ییلی 8 یوز و ایلیک مینگ دالر نی فدراسیونی نینگ اختیاریگه قویشی ممکنلیگی نی اعلان قیلدی. فوتبال فدراسیونی رییسی کرام الدین کرام نینگ بو شرطنامه نی امضالش چاغیده ایتیشیچه، مذکور مبلغ افغانستان نینگ عیاللر و ایرککلر فوتبال تیملرینی کوچه یتیریش ده صرفلنیشی ممکن:"بو مبلغ فقط ملی تیمنی حمایه لشده صرفلنه دی خلاص. یعنی مسابقه لرده اشتراک ایتیش و تیکت خره جتلری ده صرفلنه دی. بو مبلغ بیر مخصوص اداره آرقه لی صرفلنه دی. هیچ بیر اعضا فوتبال فدراسیونی دن بیر دالرنی اوز باشیمچه چیقه ره آلمه یدی. صرفلش حاللری شرطنامه ده قید ایتیلگن".

افغانستان فوتبال ترمه جماعه سی ایکی ییل آلدین اوزی نینگ جنوبی آسیاده گی اویینیده قهرمان لیک عنوانی کسب ایتدی. بو موفقیتلیک افغانستان بیر قطار مردمی نینگ موفقیتلیک بیره م قیلیشلریگه سبب بولدی.

حاضر افغانستان فوتبال ترمه جماعه سی آسیا مقیاسیده اون ییتینچی درجه ده اورین آلگن.

اییتیلیشیچه، بو تیم جاری ییل جون آیی نینگ اون بیرینچی سیده سوریه و کمبودیا فوتبال تیملری بیلن مسابقه اوتکزیب، بو اویین نینگ تورتینیچی کونیده بحرین و بنگله دیش بیلن میدانگه چیقه دی.

عین حالده، معلوماتلگره کوره، فوتبال ملی ترمه جماعه سی اعضاسی اسلام الدین امیری افغانستان فوتبالی نی ترک ایتگنی ایتیله دی.

اما افغانستان فوتبال فدراسیونی رییسی کرام الدین کرام بونی تصدیقله مه دی. اسلام الدین امیری افغانستان فوتبال ملی تیمی نینگ موفقیتلیککه اساسی رول اوینه گن.