بادغیس ده روی بیرگن ترافیک حادثه سیده 18 کیشی جان بیرگن

Image copyright f

افغانستان نینگ شمالی ـ غربی ده جایلشگن بادغیس ولایتی محلی مسووللری نینگ اعلان قیلیشیچه، ولایت بالامرغاب تومنی نینگ منگان منطقه سیده، بیر موترنینگ قوله شی عاقبتیده 18 کیشی حیاتینی قولدن بیرگن و اوچ کیشی یره لنگن.

بادغیس والیسی سوزچیسی میرویس میرزکوال نینگ بی بی سی گه ایتیشیچه، مذکور حادثه ده قربان بولگنلرنینگ اکثریتی یاشلر وباله لردن عبارت.

اونگه کوره، بو حادثه بوگون یکشنبه ساعت 10 ده یوز بیرگن.

بعضی بیر محلی منبعلرنینگ ایتیشیچه، حادثه ده قربان بولگن یاشلر ایش سیزلیک سبب، بادغیس نینگ اوزاق مسافه ده گی منطقه لریگه تریاک محصولاتینی ییغیشتیریش مقصدیده بارماقده ایکنلر.

قربانلرنینگ موتری سایگه قولب توشگن و اونگه هیداوچی نینگ احتیاط سیزلیگی سبب قیلیب کورستیلگن.

اوتگن ییل اسد آییده بادغیس ولایتیده روی بیرگن ترافیک حادثه سیده 33 نفر قربان بولیب، باشقه 13 نفر یره لنگندی.

موجود حساباتلرگه کور، 2015 ییلدن 2012 ییلگه قدر قریب 35 مینگ آدم افغانستانده ترافیک حادثه لریده حیاتینی قولدن بیرگن.