کابل فرخنده قتلیده عیبلنگنلرنینگ محکمه جریانی باشلندی

Image copyright BBC World Service

فرخنده نینگ قتل دوسیه لری نی تیکشیریش ایلک محکمه سی 49 نفر عیبدارنینگ حضوری بیلن کابلده باشلنگن. بو محکمه ده فرخنده نی کلتکلش و جسدینی کویدیریشده عیبلنگن شخصلرنینگ دوسیه لری تیکشیرووگه آلینگن.

فرخنده نینگ قتلیده شاه دوشمشیره مسجدی خادمی نینگ دوسیه سی بیرینچی اورینگه آلینگن. قاره لاوچی اونگه قویلگن عیبلاونی مردم نینگ تورتکی سی دیه تاکیدله گن.

عیبلنگنلر ایچیده پولیس قوماندانلریدن بیری هم موجود. او و بیرقطار منصبدارلر بو حقده سستلیک قیلگنلیکده عیبلنیب، محکمه گه حاضرلنگن.

محکمه جریانیده اشتراک ایتگم اولوسی جرگه نماینده شینکی کروخیل، فرخنده نینگ قتلی لفظی تارتیشودن می یا سیاسی تشکیللشتیریلگن قتل ایکنی جدی تیکشیریلیشی کیره ک لیگی نی تاکیدله گن. اونگه کوره، قتل نینگ تورتکیسی معلوم قیلینیشی لازم.

اوزیگه قویلگن عیبلاونی رد ایتگن پولیس لردن بیری قتل نینگ سیاسی و عادی لیگی جدی تیکشیریلیشی نی سوره گن.

فرخنده نینگ عایله سی جمهور رییس اشرف غنی بیلن اوچره شگنیده، دولت فرخنده نینگ قتل دوسیه لری تیکشیریلیشی ده وعده بیرگنینی ایتگن.

فرخنده نوروز گه ایکی کون قالگن بیر چاغده کابلده گی شاه دوشمشیره زیارتگاهیده قران کریم نی اوتگه یاندیرگنلیکده عیبلنیب، آله مانلر تمانیدن اولدیریلدی.