فرخنده قتلیده عیبلنگنلرنینگ ایککینچی دور محکمه سی

Image copyright BBC World Service

اوتگن کون ابتدای محکمه باشلیغی صفی الله مجددی، ایچکی ایشلر زویرلیگی نینگ تحقیقات بویچه باشلیغی ژنرال ظاهر ظاهر ، کابل پلیس باشلیغی عبدالرحمان رحیمی وایریم پلیس باشلیغ لری عیبلنگن لر ادعالریگه جواب بیریش اوچون محکمه گه حاضربولیشینی ایتگن ایدی.

اوتگن کون عیبلنگن ایریم پلیس خادملری فرخنده گه هجوم قیلینگن پیت علاقه قوریش اسکونه لری ایش بیرمی همده محلدن اوشلنگن بیر چیت ایللیک پلیس تمانیدن قوییب یوباریلگنینی ادعا قیلگن ایدیلر.

شواساسده پلیس مقاملری بوخصوصده جواب بیریش اوچون محکمه گه چقیریلگن ایدی.

فرخنده نوروز گه ایکی کون قالگن بیر چاغده کابلده گی شاه دوشمشیره زیارتگاهیده قران کریم نی اوتگه یاندیرگنلیکده عیبلنیب، آله مانلر تمانیدن اولدیریلدی.

فرخنده نینگ قتل دوسیه لری نی تیکشیریش ایلک محکمه سی 19 پلیس داخل 49 نفر عیبدارنینگ حضوری بیلن کابلده اوتگن کون باشلندی. بو محکمه ده فرخنده نی کلتکلش و جسدینی کویدیریشده عیبلنگن شخصلرنینگ دوسیه لری تیکشیرووگه آلینماقده.

بیرقطار پلیس منصبدارلری بو حقده سستلیک قیلگنلیکده عیبلنیب، محکمه گه حاضرلنگن.

فرخنده نینگ قتلیده شاه دوشمشیره مسجدی خادمی نینگ دوسیه سی بیرینچی اورینگه آلینگن. قاره لاوچی اونگه قویلگن عیبلاونی مردم نینگ تورتکی سی دیه تاکیدله گن.