اشرف غنی: کته قرارلرده جهادی شخصیتلرنینگ مصلحتی دن فایده لنه من

Image copyright Reuters

افغانستان جمهور رییسی محمد اشرف غنی اوز حکومتیده جهادی شخصیتلرنینگ فکر ـ ملاحظه و مصلحتلریدن فایده لنیشی و دین عالملری بیلن یقین علاقه بولیشینی تاکیدله گن.

افغانستان جمهور رییسلیک سراییده مجاهدلر غلبه سی ییگیرمه اوچینچی ییللیگی مناسبتی بیلن اویوشتیریلگن ییغینده یوزلب جهادی شخصیتلر و دولت رسمیلری اشتراک ایتیشدی.

بو مراسمده افغانستان جمهور رییسی محمد اشرف غنی جهاد و اونینگ ثمره سینی ازلی بهالب، جهاد اوزیدن بی بها ارزشلرنی قالدیرگنی نی تیلگه آلدی. او ملی بیردملیک حکومتی جهاد رهبرلری نینگ تجربه لری و فکر و ملاحظه لریدن فایده لنیشی ممکنلیگی باره سیده تاکیدله دی:"بیز جهاد شخصیتلری و بویوکلرنینگ مصلحتلری و فکر و ملاحظه لریدن حکومت ایشلر و کته قرار قبوللرده دایمی روشده فایده لنیشیمیز ممکن. بولرنینگ مصلحتلری همیشه کورستمه بولیشی ممکن".

جناب غنی گه کوره، حاضر افغانستان اوزیلیش و شکستلر دن اوتیب، مستحکم و کوچلی باغله نیش گه ایریشیشی کیره ک. بو مقصد گه ایریشیش اوچون جنگ دوریدن قالگن قالدیک لر و ایشانچ سیزلیکلرگه غالب چیقیب، اساسی تینچ و آسایشته لیککه ایریشیش لازم.

بومراسمده افغانستان اجراییه رییسی داکتر عبدالله عبدالله هم سوزگه چیقیب، افغانستان خلقی نینگ قیلگن جهادلری نینگ مقصد و قیدیریت عملده تطبیق ایتیلیشی اوچون خلق نینگ یانیده بولیب، خذمت قیلیشی ممکنلیگی نی تاکیدله دی.

اوشونینگدیک، جهاد ده جانلرینی قولدن بیرگنلرنینگ فرزندلری و ناگیرانلرنینگ آغیر شرایط یشه یاتگنی و اولرگه نسبتآ، اعتبار بیریلمه یاتگنی دن افسوس بیلدیریب، مهاجرلرنینگ وطن گه قیتیش زمینه سی مهیا بولمه یاتگنی نی علحیده تاکیدله دی:" بو کون نی خاطرلش بیزنی شهیدلر عایله سی دن هم خبر دار قیلیشی کیره ک. اولر قنده ی شرایطه یشه یپتی لر. جانلرینی قولدن بیرگنلردن فرزند و بیوه لر قالگن. معلول و معیوبلر خصوصیده نیمه خذمت و نیمه قیلیشیمیز کیره ک؟ ایکله قوشنی مملکتده گی مهاجرلریمیز هر لحظه وطنگه قیتیش زمینه سینی کوتیب توریشگن".

اما افغانستان جمهور ریسی محمد غنی شهدا و معلولرنینگ حیاتی یخشی لنیشی اوچون شهیدلر وزیرلیگی نی کلیدی وزیرلیکه ایلنتیریب، وظیفه عمده وبنیادی مهاجرلرنی وطنگه قیته ریش دولت نینگ اساسی و بنیادی ایشلریدن بیری ایکنی نی ایتدی.

او شونینگ دیک، جمهور رییسلیک سرایی و دین عالملری اورته سیده گی مسافه نی قیسقرتیریب، بیر تعداد وزیرلیک لرگه کوپراق امکانیتلرنی دین عالملری نینگ اختیاریگه قویش گه دستور بیردی.