افغانستان باش قاره لاوچیلیک خادملری نینگ موتری خودکش هجومگه دوچ کیلدی

Image copyright 1TV

افغانستان ایچکی ایشلروزیرلیگی سوزچیلریدن بیری نجیب دانش نینگ بی بی سی گه ایتیشیچه، مذکور حادثه ده بیر کیشی اولیب، باشقه اون نفر یره لنگن. او یره لنگنلر شفاخانه گه ییتکزیلگنینی معلوم قیلگن.

دانش جنابلریگه کوره، تنه سیده پارتلاوچی ماده نی جایلشتیرگن خودکش هجومچی اوزینی افغانستان باش قاره لاوچیلیک خادملری موتری قرشی سیده پارتله تیب یوبارگن.

اونینگ معلوم قیلیشیچه، هجوم دن مقصد، قاره لاوچیلیک خادملری بولگن.

حادثه محلی ده موجود بولگن قاره لاوچیلیک خادملریدن بیری نینگ بی بی سیگه ایتیشیچه، قاره لاوچیلیک بناسیگه کیریش ایشیگی یاپیلگن بولیب، خادملرگه چیقیشگه رخصت بیریلمه گن.

افغانستان باش قاره لاوچیلیک اداره سی کابل شهری نینگ غربی قسمیده گی دارالامان یولیده جایلشگن.