قندوزده مینگلب عایله اوی جایلرینی ترک ایتیشگه مجبور بولگن

Image copyright f

افغانستان شمالیده گی قندوز ولایتی ده سونگی اون کون ایچیده قوراللی مخالفلر و دولت کوچلری اورته سیده روی بیرگن توقنه شوولر عاقبتیده 4600 عایله اوز اوی جایلرینی ترک ایتیشگه مجبور بولیشگن.

قندوز ولایتی مهاجرلر اداره سی رییسی سیدعبدالسلام هاشمی نینگ بی بی سیگه ایتیشیچه، مذکور عایله لر سونگی ده قتیق توقنه شوولرگه صحنه بولگن امام صاحب، چهاردره و قلعه زال تومنلری اهالی سی بولگن.

هاشمی گه کوره، بو عایله لردن اکثریتی قندوز شهریگه کیلگن و بیرقطاری تینچ منطقه لرگه باریب جایلشیب آلیشگن.

اونینگ ایتیشیچه، سونگی کونلرده 4000 دن آرتیق عایله قندوز مهاجرلر اداره سی دن یاردم سوره ش اوچون طلبنامه تاپشیرگن.

افغانستان خوفسیزلیک کوچلری بوندن ایکی کون آلدین بعضی منطقه لر اهالیسیدن اوی جایلرینی ترک ایتیش تینچ جایلرگه باریب جایلشیشلرینی سوره گندی.

بی بی سی درکچیسی نینگ ایتیشیچه، امام صاحب و چهاردره تومنلری نینگ ایریم منطقه لریده جنگ هلی هم دوام ایتماقده و محلی مسووللرگه کوره، بو مسله سبب اوی جایلرینی ترک ایته دیگنلر سانی آشیشی ممکن.