اتمر: داعش افغانستان توپراغیدن اورته آسیانی تهدید ایتیش نیتیده بولگن

جمهور رئیس ملی امنیت مصلحتچیسی حنیف اتمرنی مملکت بویلب اینیقسه شمالی ولایت لر ناقرارله شیب خارجی جنگری لرفعالیت لری آشه یاتگنی باره سیده بیلدیریلگن خواطیرگه جوابن او داعش گروهی فعالیتی نی بومملکت ملی امنیتگه جدی خطردیب تیلگه آلدی.

جمهور رئیس ملی امنیت مصلحتچیسی حنیف اتمر جنابلری خارجی جنگری لر شمالگه قیزیقه یاتگنی گه سبب نه فقط افغانستان بلکی بیرقطار مملکت لرگه اوزنفوذلرینی آشیریش بولگن دیب ایتدی. اونگه کوره بارکوچ بیلن بوحرکتگه قرشی توریش ضرور.

سونگی آیلرده بدخشان قندوز وفاریاب ولایتلریده جنگری لر فعالیت لری کوچه ییب قتیق جنگلرگه صحنه بولماقده. بوایسه حربی لردن تشقری عادی اهالی تلفات لریگه هم سبب بولماقده.

بوندن آلدین بو ولایت لرده اونلب جنگری اوز عایله لری بیلن کیلیب جایلشگنی باره سیده خبرلرنشر قیلینگندی.

ایتیلیشیچه بوجنگری لر محلی قوراللی لر بیلن افغانستان دولتی گه قرشی اوروشماقده.

افغانستان جمهور رئیسی سوزچیسی داعش فعال بولگنینی بومملکتده تصدیقله گندی، کیین راق افغانستان جمهور رئیسی هم ننگرهارده گی خودکش هجومنی داعش گروهی عملگه آشیرگن دیب تیلگه آلگندی.

افغانستان ملی امنیت مصلحتچیسی اتمر جنابلری افغانستان دولتی ایکی آی آلدین بوگروه بیلن کوره شیش بوییچه استراتیزیک برنامه نی قول اوستیده آلگن لیگی نی معلوم قیلدی.

دولت نینگ بیرینچی عملی ایسه بوگروه گه قرشی هلمنده گی حربی عملیاتده داعش محلی رهبری اولدیریلگنی ایدی.

عین حالده اتمرجنابلریدن ملت وکیللریدن ایریم لری تاماندن امریکا بیلن امنیتی پیمان امضاله نیشی بیلن تینچلیک یخشی لنمی بلکی یامانلشگنی تنقیدله نیب چیقیلدی.

اتمرجنابلری امریکا وخارجی کوچلر توافق اساسیده حرکت قیله یاتگن لرینی ایتدی.

او امریکا افغانستان بیلن ایریشیلگن کیلیشووگه قرشی آیاق قویمه یاتگنینی تیلگه آلدی.

ایریم ملت وکیللری اونینگ بوجواب لریگه راضی بولمی، امریکا خارجی جنگرلری افغانستانده پناه گاه قورگن تقدیرده اولرنی نابود ایتیشی بوامنیتی کیلیشووده قید ایتیلگنینی ایته دیلر.

شونینگ دیک جمهور رئیس نینگ ملی امنیت مصلحتچیسی یقینده طالبان بیلن رسمن تینچلیک باره سیده مذاکره باشلنمه گن لیگی نی ایتدی.

دوشنبه کونی هم ملی مجلس مملکت نینگ تینچلیک وضعیتی یامانله شیب باره یاتگنی باره سیده امنیتی رسمی لر جواب بیریشی اوچون اولرنی بومجلسگه چقیرگندی.