فراه ولایتیده امنیتی کوچلردن تورت نفرهلاک بولگن

غربی فراه ولایتی نینگ بیرقطار تومن وحدودلریده اوچ کون الدین باشلنگن اوروش هلی هم دوام ایتماقده.

بوولایت رسمی لری یوزبیرگن بواوروشده دولت کوچلریدن تورت نفراولیب واوچ کیشی هم تن جراحتی آلیشگنینی ایتگن.

اما محلی دولت رسمی لری بوکون دولت و مخالف لر ارا جنگ لر اوچ کون الدین گی دیک شدتلی ایمس لیگی نی تاکیدلشماقده.

طالبان اوچ کون دن بویان دوام ایتیب باره یاتکن اوروش لرده دولت تمانیگه اغیرتلفات یتکزیلگنی نی دعوا قیلگن. اما ولایت حاکمی محمد آصف ننگ بی بی سی بیلن اوتکزگن صحبتی ده اوتکن تورت کون جریانیده دولت حربی لریدن فقط تورت عسکر هلاک بولگنی واوچ کیشی یاره لنگنی نی تن الگن.

بو اوروش لر فراه ولایتی نینگ پشت رود ، بالابلوک وبکوا اولوسوالیک لریده تورت کون الدین قوراللی طالبان هجومی آرتیدن باشلنگندی.

ولایت حاکمی ننگ جناب لری طالبان گه اغیرتلفات لر یتکزیلگنی و دولت مخالف لری بو هجوم لرده هیچ بیرمنطقه نی باسیب آله المه گنینی هم قید ایتکن.

افغانستان غربیده جایلشکن فراه ولایتی ناقرار ولایت لردن بیری دیر وعموما بونده ی جنگ لر بو ولایت نینگ اکثر حدودلریده تیز- تیز یوز بیریب کیلماقده.