طالبان افغانستان دولتی تینچلیک مذاکره لرینی باشلش اوچون آلدینگه سورگن شرطلرینی رد ایتگن

طالبان گروهی نینگ ایتیشیچه افغانستان دولتی تینچلیک مذاکره لری باشله نیشی اوچون اوروش توخته تیلیشی باره سیده گی شرطلرینی تن آلمسلیگینی ایتگن. قطرییغنیده گی طالبان هیاتی دن بیریگه کوره خارجی لرتولیق شکلده مملکتنی ترک ایتمه گونچه اوروشدن قول تاتمه یدیلر. بوگروه نینگ 8نفردن عبارت بولگن یوقاری مرتبه لی اعضاسی ایکی کون دن بیری قطر پایتختی دوحه ده افغانستان دولتی هیاتی واسلامی حزب وکیللری بیلن یولگه قوییلگن ییغینده اشتراک ایتگنلر. طالبان نینگ بو اعضالری بوگروه نینگ قطرده گی سیاسی دفتری دن نماینده لیک قیلیب بوییغین گه تشریف کیلتیرگنلر. طالبان حرکتی هیاتی ترکیبیده گی اعضالریدن بیری رویترز خبرگزارلیگی گه ایتیشیچه افغانستان دولتی هیاتی اولردن اوروش توخته تیلیش تکلیفینی قیلگن. اما اونینگ معلوم قیلیشیچه بوگروه بومملکت دن خارجی کوچلر چیقگونچه اوروشدن قول تارتمه یدی. اوشبو ییغین آلمانلیک "پگواش" ناملی تشکیلات تاماندن یولگه قوییلگندی، بونده افغانستان تینچلیک عالی کینگشی نینگ بیرقطار اعضالری وسیاسی مستقل سیمالرهم قتنشگندی. حالبوکی تینچلیک عالی کینگشی وافغانستان جمهور رئیسی سوزلاوچیسی بوکیشی لر رسمی شکلده افغانستان دولتیدن نماینده لیک قیله آلمسلیک لرینی ایتگنلر. قطرده گی ییغین رسانه لر بولمسدن یاپیق ایشیکلر آرتیده اوتکزیلگن. ییغین یکونیده "پگواش" تاماندن نشر ایتیلگن گزارشده بو ییغین اشترک چیلری تینچلیک برقرارله نیشی، عادی اهالی تلفاتی آلدینی آلینیشی، یقین کیله جکده افغانستاندن برچه خارجی کوچلر چیقیشی، باش قانون تفصیلاتی اوستیده بحث وشوکبی قدرت انحصاری بولمسلیگی باره سیده گی موردلرده بیرنظرده بولگن لر. بو ییغین اشتراکچی لری شونینگ دیک بو صحبت لر یقین کیله جکده بیرلشگن عرب امیرلیگی ده باشله نیشی اوستیده هم کیلیشگنلر. بو ییغین تورکیه ده یولگه قوییلیشی کوتیلردی. اما طالبان گروهی نینگ ایریم اعضالری اسم لری بیرلشگن ملت لر تشکیلاتی وامریکا قاره رویخطیده بولیب وسفرقیلیش رخصتی گه ایگه ایمسلیک لری سبب ییغین جایی اوزگردی. طالبان گروهی بوییغینده امریکا وبیرلشگن ملت لر تشکیلاتی دن بوگروه رهبرلری اسم لرینی قاره رویخطدن چیقریش لرینی طلب قیلدی. گزارشلر اساسیده افغانستان بوگروه محبوس لری آزاد ایتیلیشی، خارجی لر کامل شکلده افغانستاندن چیقیشی واساسی قانون اوزگرتیریلیشی بوگروه وکیللری نینگ تیلگه آلینگن ایستکلریدن بولگن. ملی بیرلیک حکومتی قدرتنی قولگه آلیشی بیلن تینچلیک مذاکره لری قیته دن باشله نیشی اوچون سعی وحرکت قیلیب کیلماقده. افغانستان جمهور رئیسی محمد اشرف غنی صلح گه ایریشیش نی افغانستان دولتی نینگ اساسی ایستک لریدن دیب وبوگروه نی تینچلیک مذاکره لریگه ترغیبلش مقصدی بیلن بیرنیچه بارپاکستان، عربستان وچین گه سفر قیلگندی.