فاریاب ده یوزبیرگن سیلاب جانی ومالی تلفات قالدیرگن

فاریاب ولایتی ولایت کینگشی رییسی سیدعبدالباقی هاشمی نینگ بی بی سیگه معلوم قیلیشیچه، اونینگ معلوماتیگه کوره، ولایت نینگ بالچراغ پشتونکوت تومنلریده یوز بیرگن سیلاب عاقبتیده 8 کیشی حیاتینی یوقاتگن.

هاشمی نینگ ایتیشیچه، تلفات دن تشقری مردمگه مالی زیان ییتکزیلگن احتمالی موجود. او، بوحقده تیکشیروو باشله گنلر و انیق معلومات هنوزگچه قولده ایمسلیگی نی ایتگن.

عین حالده، فاریاب ولایتی امنیه قوماندانلیگی مسووللری هم ولایت ده سیلاب یوز بیرگنی نی تصدیقلب، تلفاتلر باره سیده انیق معلومات موجود ایمسلیگی نی تیلگه آلگن.

نه فقط فاریاب بلکه افغانستان نینگ قطار ولایت لریده هرییلی سیلاب یوزبیریب اهالیگه مالی وجانی تلفات ییتکیزه دی.