نمیروز پولیسی: امریکا اوچاقی نینگ قالدیقلری ایرانگه ساتیلیشی آلدی آلیندی

افغانستان جنوب غربیده گی نیمروز ولایتی نینگ پولیسی بیر کیشی نی امریکالیک اوچاووچیسی بولمه گن اوچاق نینگ قالدیقلرینی ایران گه ساته یاتگنکلیکده عیبلب قولگه آلگنینی اعلان قیلگن.

نمیروز پولیس قوماندانی جنرال محمدقسیم جنگل باغ نینگ بی بی سیگه ایتیشیچه، اوچاوچیسی بولمه گن امریکا نینگ بو اوچاغی بوندن آلدین ولایت نینگ محله لریدن بیریده قولب توشگن.

جنگل باغ نینگ معلوم قیلیشیچه، عیبدار شخص بیرقطار یولداشلری نینگ همکارلیگی بیلن اوچاق نینگ قالدیقلرینی 150 میلیون تومن ایرانگه ساتیب یوبارگن، اما اونی ایرانلیکلرگه تاپشیرمسدن آلدین ساتگن شخص پولیس تمانیدن قولگه آلینگن.

اونگه کوره، مذکور اوچاق امریکالیک عسکرلرنینگ قرارگاهی گه تیگیشلی بولیب، اونینگ قالدیقلری شخصی آدملرنینگ قولیگه توشگن.

نمیروز ولایتی پولیس قوماندانی فوتو صورت و ویدیو تسمه اسبابلری قیستیریلگن بو اوچاق امریکانینگ افغانستان ده گی حربی قرارگاه لری نینگ بیریدن پرواز قیلگن ایکن.

اما امریکالیک قوماندانلر هنوزگچه بو حقده هیچ نرسه دیمه گن.