پکتیکا حاکمی ملی امنیت کینگشی قراری اساسیده وظیفه سیدن چیتلنتیریلدی

جمهوررییسلیک سرای نینگ اعلام قیلیشیچه، ملی امنیت کینگشی پکتیکا حاکمی عبدالکریم متین نی وظیفه سیدن چیتلنتیرگن.

بوندن آلدین پکتیکا حاکمی ، ملی امنیت کینگشی 200 مینگ دلارنی داعش گروه اعضالری نینگ عایله لریگه یاردم بیرگنینی ادعا قیلگن ایدی.

جمهوررییسلیک سرای تمانیدن ترقه تیلگن خبرنامه ده یازیلیشیچه، حاکم نینگ بو ادعاسی تعین لنگن هیات تمانیدن تکشیریلیب اساس سیزایکنلیگی تاکیدلنگن. شو اساسده پکتیکا حاکمی وظیفه سیدن چیتلنتیریلگن.

افغانستان ایچکی ایشلر وزیری نورالحق علومی ملی امنیت کینگشی یغینیده موضوع نی تیکشیریش اوچون تعین لنگن هیات حاکم ادعالرینی اثبات لاوچی قندی دیر حجت گه قول تاپمه گنینی ایتگن.

بوندن آلدین هم ملی امنیت کینگشی بو ادعا نی رد ایتیب مذکورمبلغ پاکستان دن مهاجر بولیب کیلگن عایله لرگه یاردم بولگنینی ایتگن ایدی.

ملی امنیت کینگشی یغینی جمهوررییس محمد اشرف غنی رهبریتی بیلن اوتکزیله دی.