" تخارده 15 قوراللی طالب هلاک بولگن"

تخارولایتی نینگ محلی رسمیلریگه کوره، بوولایت نینگ تاجیکستان بیلن چیگره داش بولگن خواجه غار تومنیده طالبان وافغان امنیتی کوچلری اره سیده یوزبیرگن توقنه شووده کمیده 15 طالب هلاک بولگن.

رسمیلرگه کوره، ایرته لب محلی وقت ساعت 7 اطرافیده طالبان هجومی ارتیدن توقنه شووباشله نیب کیتگن.

تخار ولایتی نینگ ولایت حاکمی سوزلاوچیسی سنت الله تیمور بوحقده شوندی دیدی:"خواجه غار حاکمی ملامحمد عمر نینگ فرزندلری اویدن تشقری چیققن بیر پیت طالبان هجومیگه توتیلگن. تیزاره ده امنیتی کوچلر محل گه ییتیب کیلیب تومن حاکمی فرزندلرینی قوتقزگن."

رسمیلرگه کوره، تومن حاکمی نینگ بیر قوریقچیسی هم یاره لنگن.

تیمور جنابلری نینگ ایتیشیچه، یوزبیرگن توقنه شووده هلاک بولگن اون بیش طالب نینگ جسدلری تالقان و تومن مرکزی اره سیده گی یولده جایلشگن هزارباغ قیشلاغی گه آلیب کیلینگن.

هلاک بولگن لرنینگ بیری هزارباغ قیشلاق یشاوچی لریدن بولگنی معلوم قیلینیب باشقه لرنینگ کیم لیگی حاضرگه چه انیق لنمه گن ، لیکن تیمورجنابلری اولرنینگ اره سیده چیت ایلیک جنگرلرهم بولیشی ممکن لیگینی ایتدی.

نیچه کون الدین هم طالبان قوراللی لری تومن حاکمی اویگه هجوم قیلگنی ایتیلماقده.

ایتلیشچه حاضر توقنه شوو یکون تاپگن ، لیکن طالبان گروهی جایلشگن قیشلاق لر خوف سیزلیک کوچلری تمانیدن قمره ب آلینگن .

طالبان گروهی حاضرگه قدر بوخصوصده هیچ قندی مناسبت بیلدیرمه گن.