افغانستان ملی امنیت کینگشی پکتیکا حاکمی نی اوز لوازمیدن چیتلنتیردی

افغانستان جمهور رئیسلیگی نینگ معلوم قیلیشیچه افغانستان ملی امنیت کینگشی پکتیکا ولایتی حاکمی عبدالکریم متین نی اوز ایشیدن برطرف ایتگن.

وظیفه لنتیریلگن هیات بوولایت حاکمی عبدالکریم متین تاماندن داعش گروهی عایله لریگه ملی امنیت کینگشی تاماندن مالی یاردم قیلینگن دیب بولگن ادعانی ناتوغرلیگی اعلان ایتیلگنی دن کیین بو کینگش بو ولایت حاکمی نی ایشدن آلینیشی باره سیده قرار آلدی.

افغانستان جمهور رئیسلیگی مطبوعات خذمتی گه کوره ایچکی ایشلر وزیری نورالحق علومی پکتیکا ولایتی حاکمی تاماندن قیلینگن عیبلاوینی تیکشیریش اوچون بو ولایت گه یوباریلگن هیات بو ولایت حاکمی ایتگن گپلری توغرلیگی باره سیده هیچ نرسه قولگه کیلتیره آلمه گن لرینی ملی امنیت کینگشی گه گزارش بیرگن.

بوندن آلدین متین جنابلری ملی امنیت کینگشی تاماندن بو ولایت نینگ برمل تومینده داعش گروهی گه علاقه دارعایله لرگه 200یوزمینگ دالر یاردم ایتیلگنی نی ادعا قیلگندی.

ملی امنیت کینگشی بوادعانی رد قیلیب بوپول پاکستاندن بوولایتگه مهاجر بولگن اهالی گه یاردم ایتیلگنینی معلوم قیلگندی.

کیین راق متین جنابلری مرکزی دولتدن عذر سوره ب اونینگ سوزلری باره سیده توشونماوچیلیک یوزبیرگنینی اظهار ایتگندی.

ملی امنیت کینگشی افغانستان جمهور رئیسی تاماندن رهبرلیک بوله دی.