جنوبی ولایت لردن اونلب کیشی فاریابگه کیله یاتگنی بوولایت اهالیسینی تشویشلنتیرماقده

یقینده ایریم شمالی ولایت لر بوجمله دن فاریاب ولایتی گه ایش اوچون کیلیبمن دیب اوزاق حدودلردن کوپ سانده اهالی کیریب کیله یاتگنی بو ولایت یشاوچی لرینی تشویش وشکایت لریگه سبب بولماقده.

بو ولایت اهالی سی اولرنینگ بیرقطاری حتی پشتو ودری تیللرینی هم بیلمی ایش بهانه سی بیلن جنگری لر صفی قوشیله یاتگنینی ایتماقده لر.

اما فاریاب ولایتی رسمی لریگه کوره بوولایتگه کیله یاتگن لر مملکت جنوبی ولایت لریدن بولیب کوپچیلیگی اوز ولایت لریگه قه یتریلگن وبوندن کیین هیچ کیم کیلیشیگه رخصت بیریلمه یدی.

سونگی3هفته دن بیری مملکت نینگ ایریم حدودلریدن نیمه مقصدگه کیلیشی انیق بولمه گن یوزلب شخص بو ولایت گه کیله یاتگنی فاریابلیکلرنی تشویشلرینی آشیرماقده.

اهالی اولر مخالف صفی گه قوشیلیب کیتیشدن تشویشده اما بوشخصلرتریاک شیره سینی آلیش اوچون کیلگن میزدیب ایتگن.

ایریم اهالی اولر مخالف لر صفی گه قوشیلیب بو ولایت امنیتی نی تاباره بوزیشی ممکن لیگی دن تشویش بیلدیرماقده لر.

هرچند مین بوکیله یاتگن اهالی دن نیمه مقصدگه کیلیش لرینی اوزلریدن بیلیب آلیش اوچون حرکت قیلدیم اما اولرنی بیرارته سینی هم تاپه آلمه دیم.

اما رسمی معلومات لرگه قره گنده بوشخص لردن بیرقنچه سی بیلن اوتکزیلگن صحبتده ایش اوچون کیلگن لرینی ایتیشگن.

فاریابلیک فرهاد کوزگو فکریچه بوولایت اهالی سی نینگ اوزیگه ایش بولمه گن تقدیرده کوپچیلیک بوولایت گه ایش قیدیریب کیلیشی سوال توغدیره دیگن بیرمساله بولگن.

عین حالده فاریاب ولایت کینگش باشلیغی سید عبدالباقی هاشمی اهالی تشویش لرینی اورینلی دییدی.

اما اونگه کوره بوشخص لر پلیسگه تریاک شیره سینی آلیش اوچون کیلگن لرینی ایتگن.

هاشمی جنابلری بومساله نی بهانه دیب فقط مخالف لرصفی گه قوشیلیش لری ممکن لیگی دن تشویش اظهار ایته دی.

عین حالده میمنه- مزار امنیتی کمربند ترانسپورت مسوولی حاجی همایون کپتان او اوزی پلیس بیلن کوپچیلیگی نی پلیس تیکشیره دیگن نقطه ده توختته تیب اوز ولایت لریگه قه یترگنینی ایته دی.

او شونگه قره مسدن باشقه یوللردن هلی هم بو ولایتگه باشقه ولایت لراهالی سی کیریب کیله یاتگن لرینی معلوم قیله دی.

عین حالده فاریاب ولایتی پلیسی نینگ ایتیشیچه اولرجنوبی ولایت لریشاوچی لری بولیب کوپیچیلیگی اوتکزیلگن تحقیقاتدن کیین اوز ولایت لریگه جونه تیلگن.

اساسی قانونگه کوره مملکت وطنداشی اوزی حیات کیچیره دیگن یورت نینگ هربیرمحلی گه سفر قیلیب وحیات کیچیریشده حقلی ایکن لیگی قید ایتیلگن.

اما فاریاب پلیسی گه کوره اولرگه بوندن کیین بو ولایت گه سفرقیلیشی منع ایتیلگن، بوولایت پلیس سوزلاوچیسی سید مسعود یعقوبی حاضرهم اولر کیله یاتگن لر دیگن مساله نی رد ایته دی.

جوزجان ولایتی رسمی لری هم بو ولایت دن فاریاب وسرپل ولایت لریگه کوپچیلیک کیشی اوتگنینی تصدیقله یدیلر.

اما بو ولایت پلیس قوماندانی فقیرمحمد جوزجانی گه کوره اولردن بیرقطاری حجتی بولمه گنی اوچون قیته اوز ولایت لریگه قیته ریلیب یوباریلگن .

پلیس بومساله گه یانده شمسدن آلدین جنوبی ولایت لردن کیلگن کوپچیلیک کیشی بوولایت نینگ غورماچ وقیصار تومن لریگه باریب جایلشگن لرینی ایتیله دی.

بو ایکی تومنده دولت مخالف لری کوپراق فعال بولیب اولرنینگ نظارتیده بولگن منطقه لرده گیاوند ماده سی کوپ مقدارده ایکیلگنی ایتیله دی.

غورماچ وقیصار تومنی دن توریب دولت مخالف لری باشقه حدودلرنی ناتینچ قیله دیلروسونگی هفته لرده اولرفعالیت لری شدتلشگن.