افغانستانده مخدره ماده چیکه یاتگنلرسانی 3میلیون کیشی گه ییتگن

افغانستان ساغلیق نی سقلش وزیرلیگی مملکت بویلب مخدرماده لرنی استعمال قیله یاتگنلر اوستیدن حسابات اوتکزگن.

بو وزیرلیک مذکور حساباتده افغانستان بویلب اوچ میلیون آدم مخدرماده لریدن لنه یاتگنینی اعلان قیلگن. بو رقم دن 1.4 میلیونی معتادلردن عبارت ایکنینی ایتیب، باشقه بیر میلیون باله مخدرماده لردن فایده لنیش گه یوز توتگنینی معلوم قیلگن.

افغانستان مخدرماده لرگه قرشی وزیرلیگی هم بو حسابات نی حمایه لب، دنیا همجمعیتی دن مخدرماده لرگه قرشی کوره شده کورسته یاتگن یاردملرینی دوام ایتدیریشینی سوره گن.

افغانستان ساغلیق نی سقلش وزیرلیگی مملکت بویلب اون مینگ دن آرتیق آدم اوستیدن اوتکزگن بو تیکشیرووده، اکثرآ ایرککلر مخدرماده لردن فایده لنه یاتگنی قید ایتیلگن. تیکشیرووده 9 فایز عیاللر 11 فایز باله لر مخدرماده لرنی استعمال قیله یاتگنی معلوم قیلینگن. وزیرلیککه کوره، باله لر اکثرآ تریاک، چرس، بابیتیراتا و الکول کبی ماده لردن فایده لنگن.

ساغلیق نی وزیرلیگی بو تیکشیرووده شهرلرگه قره گنده، قیشلاغلرده کون کیچیره یاتگنلرآره سیده معتادلر سانی آشیب باره یاتگنینی معلوم قیلدی.

افغانستان ساغلیق نی سقلش وزیری فیروز الدین فیروز بوگون تیکشیروو نتیجه سینی کابلده اعلان قیلیب، مملکت بویلب مخدرماده لرنی استعمال قیله دیگنلر سانی آشیب باره یاتگنی باره سیده تشویش بیلدیردی:"مخدرماده لردن فایده لنووچیلر سانی 2005 ییلده قریب 9 یوز مینگ، 2009 ییلده 1 میلیون، 2012 ییلده 1 میلیون و آلتی یوز مینگ و نهایت 2014 ییلده اوچ میلیون گه آشگن. بو جوده تشویشلنرلی". دییدی فیروز جنابلری

ساغلیق نی سقلش وزیری مخدرماده لرگه بیریلگن لرنی دوالش اوچون افغانستان بویلب ایکی مینگ و بیش ته بستر موجود ایکنی نی ایتیب، بو رقم گه قره گنده، ییلیگه 40 مینگ معتادهم دوالنمسلیگی ممکنلیگی نی تاکیدله دی.

اونگه کوره، اوتگن اون ییل ایچیده معتادلرنی ساغلیق مرکزلریده یاتقیزیب دوالش ایشلری ایجابی نتیجه بیرمه گن و فایده لنیش حاللرینی کمه یتیریش اوچون مردم نی مخدرماده لر ضررلری باره سیده آگاه لنتیریب، تقاضا نی آزه یتیریش کیره ک.

عین حالده، افغانستان مخدرماده لرگه قرشی کوره ش وزیرلیگی هم مذکور تیکشیروونی حمایه قیلیب، دنیا همجمعتی دن مخدرماده لرگه قرشی کوره شیش ده جدی یاردم کورستیشینی سوره ماقده.

اما افغانستان ساغلیق نی سقلش وزیرلیگی مملکت ده مخدرماده لرگه قرشی کوره شیش همده فایده لنووچیلرسانی نی آزه یتیریش ده رسانه لر، مکتب، مدرسه و سکتورلر ارا همکارلیک لر آرقه لی جدی کوره ش آلیب باریلیشی ایجابی نتیجه بیریشی ممکنلیگی نی تاکیدله ماقده.