کابلده پاکستان باش وزیری بیلن محمد اشرف غنی اوچره شدی

Image copyright Arg

بوگون پاکستان باش وزیری محمد نوازشریف بیرهیات ترکیبیده کابلگه تشریف کیلتیردی.

او افغانستان جمهور رئیسی بیلن اوچره شگن. اما نیمه حقده صحبت قیلگنی اعلان ایتیلمه گن.

بوگون پاکستان باش وزیری محمد نواز شریف یوقاری مرتبه لی هیات باشچیلیگیده کابلگه تشریف کیلتیردی.

افغانستان جمهور رئیسلیگی مطبوعات خذمتی جمهور رئیس لیک سراییده ایکی مملکت رسمی لری اوچره شگنی باره سیده خبربیردی.

حاضرگچه بو ملاقات تفصیلات لری نیمه لیگی انیق ایمس، اما پاکستان، تینچلیک جریانی و طالباننی تینچلیک مذاکره لریگه تارتیش اوچون همکارلیک قیلیشی باره سیده صحبت لر بولیشی کوتیله دی.

غنی وشریف جنابلری توشدن کیین قوشمه مطبوعات انجمنی اوتکزیشلری کوتیله دی.

Image copyright Arg

اوشبوسفرده نواز شریف نی پاکستان اردوسی قوماندانی راحیل شریف یولداش لیک قیله دی.

غنی جنابلری قدرتگه کیلیشی بیلن ایکی مملکت علاقه لری یخشی لشگن.

افغانستان جمهور رئیسی حاضرگچه ایکی مرته پاکستانگه سفر قیلگن. اما شریف جنابلری محمد اشرف غنی قدرتگه کیلیشی بیلن ایلک مرته بومملکت سفر قیله دی.

اوللراشرف غنی حکومتی پاکستان طالباننی تینچلیک مذاکره لریگه آلیب کیلیشده امید قیلردی ،اماسونگی پیتلرده طالبان نینگ هجوملری افغانستان بویلب شدتلشگنی کوزله گن مقصد لری عملی بولیشینی قیین لشتیرگن.

افغانستان جمهور رئیسی پاکستانده گی سفرلریدن کیین هندگه یول آلیب هند باش وزیری تاماندن کوتیب آلیندی.