"افغانستان دولتی مهاجرلر قیتیشی اوچون تولیق برنامه ایشلب چیقماقده"

Image copyright bbc

بیرلشگن ملت تشکیلاتی نینگ مهاجرلر بوییچه اداره کمیشنری افغان مهاجرلری اوز اولکه لریگه قیتیش اوچون اولر احتیاجلری نظرده توتیلگن اوزاق مدتلی برنامه اوستیده افغانستان دولتی تاماندن ایشلنه یاتگن برنامه نی قوللب قوتله شی باره سیده سوزبیرگن. بوتشکیلات نینگ مهاجرلر بوییچه اداره کمیشنیری آنتونیو گودرز افغانستانگه قیلگن سفریده افغانستان دولتی نینگ یوقاری مرتبه لی رسمی لری بیلن اوچره شگن او افغان رسمی لری مهاجرلرقیتیشی گه قیزیقیش کورستگنلریدن خرسندلیک بیلدیریب و بو اداره مهاجرلرقیین چیلیک لری حل ایتیلیشی خصوصیده اوز همکارلیکلرینی دوام ایتدیریشینی تیلگه آلدی. میلادی 2002ییلدن بیری افغانستانگه قیتگن افغان مهاجرلرسانی 5میلیوندن آرتی بولیب هلی کمیده 5میلیون افغان مملکتدن تشقریده حیات کیچیرماقده. بیرلشگن ملتلر تشکیلاتی مهاجرلر بوییچه کمیشنری آنتونیوگوترز افغانستانگه ایکی کونلیک قیلگن سفری چاغیده افغانستان جمهور رئیسی واجرائیه رئیسی وبیرقطار وزیرلر بیلن مملکت دن تشقریده گی وایچکی مهاجرلر وضعیتی واولرنینگ اوز جای لریگه قیتیشی واحتیاجلری حل ایتیلیشی باره سیده صحبت قیلگن. گوترز جنابلری افغان رسمی لری مهاجرلر قوشنی مملکت لردن قیتیش لریگه اراده لری کوچلی بولگنیدن خرسندلیک بیلدیردی. او افغانستان قاچقین لر وزیرلیگی تاماندن مهاجرلر اوز یورتلریگه قیتیش لری اوچون همه احتیاج لری نظرده توتیلیب اوزاق مدتلی برنامه تیارلنه یاتگنینی ایتدی. بیرلشگن ملت تشکیلاتی نینگ مهاجرلر بوییچه کمیشنری اوتمیشده بواداره تاماندن افغان مهاجرلری باره سیده بولگن ایشلر موفقیتلی بولسه هم اولر قیتیش لری اوچون معمالری حل ایتیلیشیده تولیق اعتبار بیریلمه گنینی معلوم قیلدی. "بیش میلیون دن آرتیق مهاجر افغانستانگه قیتیشی بیرلشگن ملت لر تشکیلاتی نینگ مهاجرلربوییچه اداره سی تاماندن یولگه قوییلگن اینگ کته موفقیتلی برنامه بولگن، بونینگ جریانی بار، اما همه مهاجرلرکیلیب اوز یورتلریگه کیلیب جایلشمه دی، چون آز امکانیت اولرگه یره تیلدی، شوسبب بیز افغانستان دولتی بیلن اولرنینگ قیتیشی اوچون، بار احتیاج لری حل ایتیلیشی اوستیده گپیردیک، بیرعایله قیتگن تقدیرده جای، نان، ایش وسلامتلیگی اوچون تولیق شکلده شرایط یره تیلیشی لازم" دییدی بیرلشگن ملت تشکیلاتی نینگ قاچقین لر بوییچه اداره سی کمیشنری او افغانستان دولتی نینگ بو حقده گی اوزاق مدتلی برنامه سی نهایی بولگن تقدیرده اوشنگه قره ب بو اداره دنیا مملکت لریدن یاردم طلب قیلیشی توغری سیده جدی شکلده همکارلیک قیلیش اوز تعهدینی بیلدیردی. گودرزجنابلری کیلگوسی هفته ده ایرانده بومملکتده گی افغان لر قیتیشی و قیین چیلیک لری باره سیده صحبت قیلیش اوچون ایران، افغانستان، پاکستان وبو تشکیلات دن عبارت بولگن تورت تامانلمه بیر ییغین یولگه قوییلیشی ممکن لیگی دن خبر بیردی. عین حالده اونگه کوره افغان مهاجرلری قیین چیلیک لری اوچون پاکستان رسمی لری بیلن هم اوچره شگن. اولر افغان لر گه قیین چیلیک یره تیلمسلیگی باره سیده سوزبیرگن لر. افغان مهاجرلری قیتیشی اوچون بولگن سعی وحرکت لرگه قره مسدن هلی هم کمیده 5میلیون افغان تورلی مملکت لرده مهاجر ایکنی معلوم قیلینه دی. بو مهاجرلر نینگ کته سانی ایران وپاکستانده استقامت قیلیشه دی. اولرنینگ مهاجر بولیشیگه ایش سیزلیک ومملکتده دوام ایتیب کیله یاتگن جنگلر سبب بولگن.