کابلده گی ایران ایلچیسی: داعش افغانستان وقوشنی لری اوچون جدی خطر

Image copyright f

کابلده گی ایران ایلچیسی محمد رضا بهرامی افغانستانده خذمت کورسته دیگن یک تلویزونی بیلن اوتکزگن صحبتیده ایتیشیچه داعش افغانستانگه وقوشنی مملکت لرگه تهدید بولیشی ممکن. بهرامی جنابلری نینگ تاکیدلشیچه بوگروه حاضرگی کونده افغانستانده خطرلی بیر جریان صفتیده کوریلماقده. اما کیلگوسی آیلر وییللرده بومملکتده اوز حضورینی کوچه یتیریب اوزینی افغانستانگه چیگره لریگه ییتکزیش نیتیده بولیشی ممکن. سونگی آیلرده افغانستانده داعش گروهی فعالیتی باره سیده گزارشلر نشر قیلینگن ایدی و ایریم حالت لرده افغان رسمی لری بوگروه نینگ مسوول ایکن لیگی نی تیلگه آلگن. بهرامی جنابلری ایران نینگ عراق حربی لریگه داعش گه قرشی همکارلیگی اوستیده توخته لیب ایتیشیچه افغانستان دولتی هم داعش بیلن کوره شیش اوچون ایراندن یاردم سوره گن تقدیرده بوطلب نی محاکمه آستیده آلیشی ممکن لیگی نی تیلگه آلیشگن. شونینگ دیک یک تلویزیونی گه او ایران طالبان حرکتی اوستیده معلومات جهتدن نظارتی بارلیگی نی ایتگن. بهرامی جنابلری نینگ تاکیدلشیچه معلومات نظارتی اونینگ حقیده رسانه لرده صحبت قیلیب بولمسلیگی نی معلوم قیلگن. اما بوگروه بیلن علاقه ده ایکن لیک معناسیده ایمس. بوندن آلدین ایران قوراللی کوچلر قوماندانی اورین باسری علی شادمانی فارس خبرگزارلیگیده ایتیشیچه یمن، فلسطین، عراق وافغانستانده گی مقاومتلردن آشکار طرزده حمایت قیلیب اولرگه یاردم بیریشیمیزممکن. بو یاردم قشون تارتیش ایمس چون اولرنینگ بونگه احتیاجی یوق. اونینگ بوسوزلری افغانستان سیاسی احتفاللریده ایران نینگ افغانستان دولتی مخالف لریدن حمایت ایتیش معناسیده دیب تعبیربولگندی. بهرامی جنابلری گه کوره ایران افغانستاننی استکبار دیب توشونمه یدی وافغانستان ده گی برقرارلیگی نی بوزه دیگن کوچلردن حمایت ایتمه یدی. افغانستان جمهور رئیسی محمد اشرف غنی اوتگن آیی بو مملکتده بولگن سفری چاغیده ایران جمهور رئیسی حسن روحانی بیلن ترورچیلیک باره سیده معلومات المه شیش همکارلیگی، زوره وانلیک واشدی چیلیک مساله لریده کیره ک بولگنده قوشمه عملیات همکارلیکلر عملگه آشیشی باره سیده کیلیشووگه ایریشگن لری دن خبر بیرگندی.