فاریاب ساغلیقنی سقلش ریاستی 50000افغانی جریمه گه محکوم بولگن

فاریاب ساغلیقنی سقلش ریاستی دولتی کسلخانه ده چیقیندیلر یاقیلگنی اوچون 50000افغانی جریمه گه محکوم بولگن فاریاب اطراف محیطنی تازه سقلش اداره سی فاریاب ساغلیقنی سقلش ریاستی نی 50000افغانی جریمه قیلگن. بوندن مقصد بو ریاستگه تیگیشلی کسلخانه مسووللری چیقیندیلرینی کسلخانه ایچکریسیده یاقیب محیط نی افلاس قیلیب ساغلیققه ضرر قیلرمساله سیگه بها بیرمه گنی بولگن. میمنه شهریده گی کسللرنی دواله یاتگن دولتی کسلخانه اوزی آدم لرنی ساغلیغینی خوف گه سالماقده. یاقیله یاتگن کسلخانه چیقیندیلری نه فقط آدم لر بلکی اطراف محیطنی هم افلاسلنتیریاتگنی تشویش وشکایت لرگه سبب بولیب کیلگن. فاریاب مرکزیده گی بوکسلخانه یقینیده اوی لر، مکتب لر ودکانلر جایلشگن. بوکسلخانه چیقیندیلری خودی شو کسلخانه آرقه سیده گی دیواری یانیده یاقیله دی. اوتمیشده هم بو مساله ضررلی دیب محل اهالی سی شکایت وتنقیدلرقیلگندی. اما تیگیشلی اداره لر تاماندن کوپ مدت بونگه بها بیریلمه گندی. اما یقینده فاریاب ولایتی اطراف محیطنی تازه سقلش اداره سی تاماندن فاریاب ساغلیقنی سقلش ریاستی نینگ بوایشی محیط ومردمگه ضررلی بولگنی گه توجه قیلمه گنی سبب جریمه قیلیشگن. بواداره باشلیغی انجنیر احمد خالد اعظمی بوندن تشویش بیلدیریب مذکور اداره اهالی شکایتی دن تشقری و حتی بواداره خطلریگه هم بها بیرمه گنی اوچون بو قرارآلینگنینی ایته دی. بوندن تشقری اعظمی جنابلری نینگ تاکیدلشیچه چیقیندیلر ضرری آلدی آلینیشی اوچون بو اداره تاماندن قیلینگن تکلیفلری 10کونگچه عملی قیلینمه گن تقدیرده، مذکور اداره رسمی لری عدلی وقضا اداره لرگه تنیشتیریلیشی ممکن. عین حالده فاریاب ولایتی ساغلیقنی سقلش ریاستی بوچیقیندیلر ساغلیق ضرری بولسه هم، تشقریگه چیقریش ضرری دن کمراق ایکنینی معلوم قیله دی. بو ریاست باشلیغی داکتر عبدالعلی حلیم اطراف محیطنی تازه سقلش اداره سی تاماندن قیلینگن تکلیف لرنی رعایت ایتیش اوچون حرکت قیلینه یاتگنینی ایته دی. میمنه شهریده جایلشگن کسلخانه چیقیندیلری یاقیله یاتگن محل یانیده حیات کیچیره یاتگن مردم بواداره تاماندن بومساله گه جدی بها بیریلگنیدن نهایت خرسندلیک بیلدیره دیلر وتیزراق چیقیندیلر باشقه محل گه چیقریلیب یاقیلیشی گه امید قیلماقده لر. باشقه تاماندن اهالی دن استاد صبغت الله کوره ش گه کوره بوکسلخانه ده یاقیله یاتگن چیقیندیلر ضرری سبب اهالی دن قنچه کیشی کسل بولگن. شونینگ دیک او یاقیله یاتگن چیقیندیلر ضرری سبب حویلی ده گی آچیق هوادن بی بهره قاله یاتگن لرینی ایته دی.

محل اهالی سی گه کوره ایریم عایله لر بومعما سبب بوییردن کوچیب کیتیشگه مجبورلنگن.

کسلخانه چیقیندیلری یاقیله یاتگنی باره سیده معما بیرفاریابده ایمس بلکی مملکت بویلب اینیقسه پایتخت کابلده گی کسلخانه لرده موجود بولگنی آدملرنی تشویشلنیترماقده. افغانستان ساغیلقنی سقلش وزیری داکتر فیروزالدین فیروز کسلخانه لرده گی چیقیندیلر انسانلرساغلیغی گه ضررلی بولیب و بومعمانی حل ایتیش اوچون سونگی ییللرده افغانستانده اطراف محیط وضعیتی یامانله شیب باره یاتگنی اهالی تشویش وشکایت لریگه سبب بولماقده. اما یقینده کسلخانه لر چیقیندلری اهالی یشه یاتگن محللرده یاقیله یاتگنی بوتشویشلرنی تاباره آشیرگن. هرچند مملکت بویلب اطراف محیطنی تازه سقلش اداره لر اطراف محیط وضعیتی یخشی له نیشی اوچون فعالیت قیلیب کیلماقده. بیراق بوفعالیت لر کوزگه کورینرلی بولمی ییلیده کوپچیلیک کیشی بوندن اوزجانینی قولدن بیره یاتگنی معلوم قیلینه دی.