2005: Qonga botgan Andijon

Andijon, 2005 Image copyright Human Rights Watch
Image caption Andijon, 2005 yil

Bundan roppa-rosa chorak asr muqaddam O'zbekiston o'z mustaqilligini e'lon qilgan edi.

74 yil davom etgan sho'rolar asorati so'nggida qonsiz erishilgan mustaqillik O'zbekistonda "Ollohning in'omi", "eng ulug' va eng aziz ne'mat" sifatida e'zozlanadi.

Mamlakatning sho'rolar davrida Moskva tayinlagan rahbari, marhum prezident Islom Karimov esa mustaqillikning rasmiy me'mori deb ko'riladi.

Ammo o'zbek xalqi mustaqillikka erishgani holda, ozod va farovon hayotga erishmagani haqida afsus bilan gapirayotganlar ham oz emas.

Mustaqillik e'lon qilingan 1991 yilning avgustidan buyon dunyo XXI asrga, axborot va texnologiya asriga qadam qo'ydi, O'zbekiston esa o'z tarixini qaytadan yozib chiqishga ulgurdi.

BBC solnomasi mustaqil O'zbekiston tarixining yozilmagan sahifalarini ham o'z ichiga olgan.

2005 yil ko'pda Andijon hodisalari bilan eslanadi.

Mayi oyi hibsdagi 23 ishbilarmonni ozod etish talabi bilan tinch namoyish boshlanadi.

Ammo 13 mayga o'tar kechasi qurolli guruh Andijon qamoqxonasiga hujum qiladi.

Ular hokimiyat binosini egallab, rasmiylarni garovga olishadi.

Bobur maydoniga ayollar va bolalar doxil andijonliklar to'planishadi. Odamlar iqtisodiy qiyinchiliklar va ishsizlikdan noliydilar.

Hukumat odamlar ustiga askar va tanklarni yo'llaydi.

Inson haqlari tashkilotlari va jurnalistlar Andijonda 13 may, juma kuni yuz bergan qonli voqealarda yuzlab insonlar halok bo'lganini aytishadi.

Rasmiy raqamlarga ko'ra esa 187 nafar terrorchi o'ldirilgan.

Rahbariyat hodisalarda diniy guruhlarni aybladi.

Ovro'po Ittifoqi O'zbekistonga jazo choralari kiritdi.

Lekin rasmiy Toshkent tanqidlarni rad etib G'arb bilan aloqalarni uzdi.

2005 yilga oid videolavhamizni BBCUZBEK ning YouTube kanalida tomosha qiling

2004: Aqliy sportdagi muvaffaqiyat

2003: Qiynoqlar va aro yo'lda qolgan Navoiy qabri

2002: Turkmanboshiga suiqasd, Yurtboshiga yangi muhlat

2001: AQShga yaqinlashuv, o'zgarish umidlari

2000: Kulgu bo'lgan saylov va minalangan chegara

1999: Toshkent portlashlari, cheklovlar va mahkamalar

1998: O'zbek ayollari mardikorga aylangan yil

1997: Umidni oqlolmagan "Umid" va ta'qiblardan qochgan Obidxon qori

1996: Milliy avtomobil va milliy jangarilar

1995: Yoqilg'isiz neft mustaqilligi va "cho'ntak partiyalar"ning tug'ilishi

1994 yil: So'mning "tug'ilib, bo'g'ilishi"

1993: Toshkentdagi otishmalar va muxolifatga bosimlar

1992: Prezidentning ilk qasamyodi va o'qqa uchgan talabalar

1991 yil: O'zbekiston qarsaklarsiz mustaqil bo'lgandi

1990: Karimov Mustaqillikka qarshi bo'lganmi?

"Mustaqillik yilnomasi"ni BBC UZBEK da tomosha qiling!

BBC O'zbek xizmati bilan Whatsapp, Telegram va Viber orqali bog'lanishni istasangiz, telefonimiz: +44 78-58-86-00-02

TELEGRAMDA ESA kanalimiz - https://telegram.me/bbcuzbek yoki BBCUZBEK

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook - BBC UZBEK

Google+ - BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio

bbcuzbek.comga to'siq bo'lsa, uzbekweb.netga kiring