"O‘zbek qizlar Pokistondagi seks qulligidan qochishgan"

Image copyright PA
Image caption O‘zbek qizlarining Osiyo davlatlarida foxishabozlikka majburlanishi tez-tez xabar qilinadi

Pokistonda mahkama seks quli bo‘lib ishlatib kelingan ikki o‘zbekistonlik qizning vatanlariga deportatsiya etilishi bo‘yicha qaror chiqargan.

Tribune Express nashri xabar qilishicha, Nodira va Viktoriya ismli qizlar odam savdosi bilan shug‘ullangan Pervayz ismli shaxsning 1000 dollarlik maoshli halol ish va‘dasiga ishonib Pokistonga kelganlar.

Biroq, Islomobodga kelishlari bilan ular foxishalikka majburlanganlar.

Qizlarning to‘liq ismlari yo yoshi haqida ma‘lumot berilmayapti.

Pervayz hozirda Federal tergov agentligining inson savdosiga qarshi kurashuvchi bo‘limi tomonidan hibsga olingan.

O‘zbekiston elchixonasida boshpana topgan ikki qiz mahkama ishida qatnashmaganlar.

Federal tergov agentligining ikki xodimi O‘zbekiston elchixonasida va elchixona rasmiylari yordamida Viktoriya va Nodiraning ko‘rsatmalarini yozib olganlar.

O‘zbekistonlik qizlarning ish va‘dasi bilan xususan Hindiston, Malayziya, Indoneziya, Turkiya, Birlashgan Arab Amirliklari, Rossiyaga olib kelinishlari va foxishabozlikka majburlanishlari bu mamlakatlarning mahalliy matbuotida xabar berib kelinadi.

-------------------------------------------------------------------------------------------

BBC O‘zbek xizmati bilan Whatsapp orqali bog‘lanishni istasangiz, telefonimiz: +44 7858 860002

Your contact details
Disclaimer