Multimedia o'ynash bu qurilmada dastaklanmaydi

Karimov va Putin uchrashuvlaridan tasvirlar

Rossiya prezidenti rasmiy web-sayti Kremlin.ru xabar qilishicha, 25 aprel kuni Prezident Islom Karimov va Prezident Vladimir Putin uch soat davomida norasmiy muloqot qilganlar.

Prezident Putin ta‘biricha, "yuzma-yuz o‘tirganlar".

Suhbat boshida Prezident Putin Rossiya bilan O‘zbekiston o‘rtasida savdo-sotiq yilning birinchi choragida o‘sganini qayd etgan.

Janob Putin O‘zbekistondan Rossiya bozorlariga dehqonchilik mahsulotlarini yetkazish hajmi ko‘payganidan o‘z mamnunligini izhor etgan.

Rossiya prezidenti so‘zlariga ko‘ra, O‘zbekistondan Rossiyaga qishloq xo‘jalik mahsulotlarini olib borish yalpi hajmi 10 foiz oshgan.

Ayrim poliz mahsulotlari 10 barobar, uzum 20 baravar, tsitrus o‘simliklari 54 baravar ko‘paygan.

Prezident Islom Karimov esa Rossiya dehqon bozorlarida o‘z mevasini sotish uchun "Kelib qoling O‘zbekiston mevalari" deb xaridor chorlashlarini aytgan.

"Ular(mevalar)ning O‘zbekistonga hech qanday aloqasi bo‘lmasligi mumkin. Biroq tovar bu tovar, reklama bu reklama. Reklamaning o‘ziyoq ko‘p narsadan dalolat beradi", deb aytgan Prezident Karimov.

Janob Karimov O‘zbekiston meva-sabzavotlari mazali ekani haqida moskvaliklar yaxshi bilishini aytib o‘tgan.

  • BBC O‘zbek xizmati bilan Whatsapp, Telegram va Viber orqali bog‘lanishni istasangiz, telefonimiz: +44 78-58-86-00-02.
  • TELEGRAMDA ESA kanalimiz - https://telegram.me/bbcuzbek
  • Instagram - BBC UZBEK
  • Twitter - BBC UZBEK
  • Odnoklassniki - BBC UZBEK
  • Facebook - BBC UZBEK
  • Google+ - BBC UZBEK
  • YouTube - BBCUZBEK (https://www.youtube.com/user/bbcuzbek)
  • Skype - uzbekbbclondonbbcuzbek.comga to‘siq bo‘lsa, uzbekweb.netga kiring