Хорижий паспортлар 2019 йил 1 январидан киритилади

Фото муаллифлик ҳуқуқи uzbekistan24
Image caption Виза талаб қилинадиган давлатларга амалдаги ОВИР стикери муддати тугагунча сафар қилиш мумкин

Президент Шавкат Мирзиёев 2019 йил 1 январидан Ўзбекистон фуқароларига хорижга чиқиш учун биометрик паспортлар берилишини белгилади.

Айни санадан бошлаб хорижга чиқиш учун бериладиган ОВИР стикерлари бекор қилинади.

"Ўзбекистон 24" телеканали сайтида жойлаштирилган фармонда айтилишича, 2011 йилдан бери амалда бўлган биометрик паспортлар Ўзбекистон ҳудудида кучда қолади.

Ўзбекистон фуқаролари халқаро келишувларга биноан кириш визаси талаб қилинмайдиган давлатларга амалдаги биометрик паспортлар билан 2021 йил 1 январигача чиқишлари мумкин.

Ҳамда, виза талаб қилинадиган давлатларга амалдаги ОВИР стикери муддати тугагунча сафар қилиш мумкин.

Аммо, фармонда хорижий паспорт қандай муддатга берилиши айтилмаган.

Аввалроқ, кун.уз нашри саволларига жавоб берган ИИББ вакили Ўзбекистон фуқароларига хорижий паспортлар қандай муддатга берилиши ҳақидаги саволга жавоб бера олмаган, бироқ халқаро тажрибага кўра бундай паспортлар 10 йилга берилишини таъкидлаб ўтганди.

Мирзиёев фармонида айтилишича, хорижий паспортларни тадбиқ қилишдан мақсад, хусусан, чет элга чиқиш учун ҳужжатларни тайёрлаш жараёнидаги қоғозбозлик ва порахўрликка чек қўйишдир.

Тошкентдан мактублар: Ҳожатхонага паспорт билан

Ўзбекистон: паспорт тизими қоидаларини бузганмисиз?

Алоқадор мавзулар