BBC navigation

Москвада ўспирин жағини синдирган ўзбек фарроши озод этилди

Сўнгги янгиланиш 4 феврал 2013 - 15:53 GMT
Хуррамов

Хуррамовни озод этиш учун Россиядаги ўзбек жамолари ҳаракат қилгани айтилади

Москва шаҳар Зюзинск туман маҳкамаси январ ойи бошида 12 ёшли ўспиринга тан жароҳати етказишда айбланган ўзбекистонлик фаррош Баҳром Хуррамовни қамоқдан озод этган.

Хуррамовга нисбатан жиноий иш тарафлар ярашгани туфайли бекор қилинган.

Маҳкама Хуррамовга нисбатан жиноий ишни тўхтатишни сўраган ўспирин онасининг аризасини инобатга олган.

Прокурор ўзбекистонликка нисбатан қўзғатилган ишни тўхтатишларига эътироз билдирган, бироқ маҳкама фаррошнинг ўспириндан кечирим сўрагани ва етказган зарарни қоплаганини инобатга олган.

Россиядаги ўзбеклар диаспораси ўспирин оиласига 50 минг рубл (тахминан 1700 доллар) товон пули тўлаган.

Маҳкама 9 январда Баҳром Хуррамовни ҳибсга олишга қарор қилганди.

Ўспириннинг айтишича, у ва унинг дўстлари отган қор парчаси тасодифан фаррошга тегади ва фаррош болалар ортидан қувалай бошлайди.

Хуррамов отган белкурак ўспирин юзига тегади.

Ўспирин бош чалғиши ва жағ синиши ташхиси билан шифохонага ётқизилганди.

Биз билан боғланинг

* Тўлдириш шарт бўлган жойлар

Ушбу мавзуга оид кўпроқ материаллар

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.