Ижтимоий минбар: Каримов берган ваъдаларининг устидан чиқдими?

  • 25 Июн 2014

Ўзбекистонда Ислом Каримов ҳокимиятга келганига 25 йил тўлди.

Чорак аср тарихан қисқа, аммо Ўзбекистон учун бутун-бошли даврдир.

Бу мустақил Ўзбекистоннинг тарихидан ҳам узоқ бир муддат.

Бу даврда Каримовдан бошқа Президентни кўрмаган бутун-бошли авлод етишиб чиқди, бу авлод Каримов шиорлари, нутқ ва китоблари таъсири остида улғайди.

Аммо каттароқ ёшдагилар СССР парчаланган ва мустақиллик эълон қилинган алғов-далғов замон, Каримов ҳокимиятга келган илк кунларни яхши эслашади.

Бу авлод Каримовнинг ҳокимиятда қолиш учун берган аниқ ваъдалари, жумладан, 1991 йилда бош бармоғини кўтариб "августгача чиданглар, барака топкурлар, августда ҳаммаси "во" бўлади" ва 1992 йил январида, Тошкентдаги талабалар қўзғолонидан кейин айтган "мен Президент эканман, ноннинг нархи ошмайди!" деган сўзларини яхши эслайди.

Сиз Ўзбекистонни чорак асрдан буён бошқараётган Президент Каримовнинг қайси ваъдаларини эслайсиз?

Президент уларни бажардими?

Мавзу муҳокамаси Facebook ва Одноклассники.рудаги BBC Uzbek саҳифасида.

A L I S H E R: Men bir va'dasini ustidan chiqanini bilaman. Biz birdan rivojlanmimiz, xammasiga bosqichma bosqich utamiz. Biz albatta rivojlanamiz, biz bulmasak farzandlarimiz kuradi. Allox Umirlarini uzoq qilsin deb ramozon oylarida suriyman.

Napaleon Bonapart: Ha barcha va'dalar bajarildi. Özbekiston barcha sohada yetakchilikka ötyapti. Sanoat yangi tarmoqlari, qurilishlar, özgarishlar davri böldi. "Soglom ona soglom bola dasturi" amalga oshirildi. Biz faqat paxta yetishtiruvchi davlat bölib qolmadik. Biz YUKSALDIK! Boshqalarni bizning tamoyilimizni muhokama qilishga haqqi yöq!

Исфандиёр Ихтиёр угли: Eng kotta va'dasini bajarmadi Dodamiz. 1991-yil aytganidilar hali biza USA ga körsatib qöyamiza sömmi qadrini deb. Mana körsatdilar 1$ 3100 söm. Agar undanam qimmat bölmasa. Gap yö sizga pustoslvov Doda.

Napaleon Bonapart: 300yillik $ni 25 yilda qanday özgartirish mumkin? Hatto € yam bunga bazör turibdiyu. Sal dunyoga realni qareng. Endi va'da va'da deb gapirmengde, ustimiz but, qornimiz töq, tinchmiz asta oyoqqa turyapmizku.

Исфандиёр Ихтиёр угли: Eeee shuyam gapmi? Qozog'izton 12 yil bizadan oldinga ötib ketgan, Turkmanistonni umuman gapirmasayam böladi. Bizada nima bövotti? 7 mln erkak Rossiyada mardikor, 1 million Özbegim qizlari BAA, MALAYZIYA, TAILAND, OZARBAYJON, ROSSIYA, QOZOG'IZTONDA foxishalik qivotti. Qani endi ösish, aytinchi, qaysi sohada ösdik biza? Qozog'izton bilan Turkmaniston chöl joylarni butun boshli shaxarga aylantirvotti. Bizachi biza borini...

Napaleon Bonapart: E bulani niyati yosh avlodni axborot xurujlarga duchor qilish. Qaysi davlatda jajji ukalarimiz bepul Prezident sovgasi oladi, bepul örta maxsus talim oladi? Bular sanoqli va bu davlatlar sirasiga kirganimizdan xursandman.

Тўлқин Қораев: Президентимизнинг битта ваъдаси ёдимда қолган: "Августгача кутинглар, ҳаммаси "Во!" бўлади!"

Iskandar Karimkulov: Manga qosa yana Karimovga ovoz berardim. Chunki siyosati kuchli qoil qolishlik. Terroristlar Karimov borligi uchun O'zbekistonda isyon kotargani yuragi dosh bermайди. O'rniga boshqasi bo'sa bilmadim nimalar bolarkin?

Одноклассникидаги Sεƙιηrσσ qฉrฉ σσ sενιδ qσλฉsฉη: BBC Uzbekdagilar sizlar faqat O'zbekistonni minus jihatlarini yozasilar, nega? Nega yangilanishlar, texnologiyalar, bunyotkorlik va boshqa yutuqlar xaqida BIRORTAXAM MAVZU YO'Q? YOKI SIZLARAM O'ZBEKISTONNI KO'ROLMAYDIGANLARDANMISILAR?!

Мунаввар Қодирова: Юртимиз ҳаммадан тинч, осойишта, кўркам. Қорнимиз тўқ ортиғи билан. Устимиз бут. Ҳаммадан яхшимиз. Шуни ўзи энг асосий эмасму инсон хаёти учун?

Хабибулло Камалов: Президентни ёмонотлик қилмоқчи бўлганлар вақти келса 5-6 кишидан иборат оиласини бошқара олмайдию, Президентни гапиришни билади! Олдин у инсон қилган ишни 100 дан 1 ини қойиллатволишсин, кейин гапирса ярашади! Ўзбекистонимизга кўз тегмасин.

Мадина Салибаева: Энг аввало Тангрини муносиб тарзда улуғла. Кейин эса подшоҳни иззат қил. Чунки подшоҳ ва Тангри ҳукми тенгдир.

Abdulbosit Rasulov: Öz podsholaridan norizo Liviya, Iroq aholisini qarang, xozir yaxshisini topishdimikin? Ösha QATTIQ NONLARINI XOTIRJAM YEYAYOTGANMIKINLAR? KECHASI XOTIRJAM UXLASHYOTGANMIKINLAR? Xalqimiz "Oqqan daryo oqmay qolmas", "Illat izlaganga illatdir dunyo, hikmat izlaganga hikmatdir dunyo" deb bekorga aytmagan. Kelinglar yaxshiliklarni köraylik, yaxshiliklarni öylaylik. Alloh xohlasa hamma zör böladi.

Ulugbek Ashur: Каримовнинг бу ваъдаларини роҳатини оила аъзолари ва яқин атрофидаги мулозимлари кўряпти. Оддий халқ эса, подшо ваъда қилган нарсалар у ёқда турсин, бор йўғидан ажради. Электрдан, газдан,.. Ҳар йилнинг сўнгида одамлар Каримовнинг оғзига хавотир билан тикилишади: Бу йилни у нима деб номларкин? Чунки, Каримов "Келаси йилни обод маҳалла йили деб атадим" дедию, маҳаллада қулоқлар кўпайди, маҳалла раисларининг иштаҳаси ҳам очилиб кетди. Бир йилни эса Болалар йили деб атади. Ўша йилдан бошлаб оналарни бича бошладилар. Каримовнинг "Оналар йили"да оналар ўлими кўпайди. "Соғлом авлод йили" деганида эса медицина хизмати нархлари ошиб, чақалоқлар ўлими кўрсаткичлари ошди... 25 йил аввал Ўзбекистон туғруқхоналарида чақалоқлар шам ёруғида туғилармиди? Йўқ. Тўғри, "Темир хотин" пьесасидаги Қўчқорвой айтмоқчи, бу соҳада бир оз "прогресс" бор: яъни шам эмас, уяли телефонни ёритқичидан фойдаланилаяпти.

Abdulbosit Rasulov: Shu örinda hammamiz biladigan bir hikoya esimga tushdi. PODSHO xalqqa tekinga qöy tarqatibdi. ... Uniki menikidan semiz ekan. ... Manga orig'ini beribdi... EH NOSHUKUR BANDALAR!

Абутов Муҳаммадсолиҳ: ИАК 25 йиллик бошқаруви давомида халқни фақат алдаб келди. Баъзида билиб баъзида билмай бу ҳолат давом этди. Ички ва ташқи сиёсатдаги нобарқарорлик ва довдираш ҳолатларига ўнлаб гувоҳ бўлганмиз. Давлат бошқарувидаги аниқ дастурнинг ўзи бўлмагани ҳам маълум. 5 тамойил шиорини ўзи ўртага ташлади ва ўзи унутди. Мен уни маст ҳолда машина бошқараётган шоферга ўхшатаман. Фуқаролар эса қачон қайси жарга қулашини кутиб ўтиришибди.

Mirzokir Krasaves: )))) tinchlik bulsin, Islomdan gapirganlar ham bilsinki Islom dini bu tinchlik dinidir. Qani O'zbekistonni siyosati yoqmyaptganlar yoki islomshunoslar aytsinlar Siriya Liviya va shunga uhshash musulmonlar mamlakatida nima bulyapti? Ularni siyosati zurmi? Islomi zurmi? Nima sabab musulmomlar qoni tukilmoqda? Gap shundaki Bbc ozodlik radiosiyu, urush boshlash, fitna quzgasa, musulmonlar bir birini qirsayu, - "bular" bizga yahshilik qilib qurol sotsalar yoki askarlarini olib kirsalar!!! Uzbegimda Yiliga masjidlar qurib tamirlanmoqda, Tinch namozlar uqilmoqda, nonni narhi oshsayam tuylarda patir ushatilmoqda!!! Siyosat yoqmyaptganlar- uzlarini uzgartirsinlar, oilalaridan boshlasinlar siyosatu iqtisodni. Davlat ham bu oilalardan tashkil topgan. Allohga shukr! Yurtboshimizni hayrlik ishlariga Alloh quvvat bersin!Yurtimizda tinchlik hukm suraversin!Shukr qilsak Alloh ziyodasiniyam beraveradi!qolgan "adolatpesha"larga insof bersin!!! Shu yurtda avlodlarim tuproqqa quyilganmi shu yurt man uchun muqaddas!!!Bir kun biz ham shu tuproqqa aylanamiz!

Abdulatif Khamidov: Karimov zo'r odam. Kerak bulsa uzini qizini jazoladi. Qaysi ota barchani oldida farzandini jazolaydi? Bu faqat adolatli rahbarni qulidan keladi. U ham bulsa bizni prezident I.KARIMOV buladi.

Shokirbek Sobirov: Ortigi bilan bajarganlar bobom. Sizlarga nima? Darrov burunlaringni tikasizlar hasadguylar.

Матнда имло хатоси бўлса, бизга билдиринг.

Би-би-си Ўзбек хизмати билан Whatsapp орқали боғланишни истасангиз, телефонимиз: +44 78-58-86-00-02

Бу мавзуда батафсилроқ