Ижтимоий минбар: Ўзбекистонда давлат одамидан фуқароларга таҳдид йўқми?

  • 20 Август 2014

Сўнгги пайтларда Тошкентда милиция ходимлари иштирокида юз берган икки йўл ҳодисасида камида 4 инсон ҳалок бўлган.

Бошқа бир ҳодисада эса қуролли хавфсизлик ходими ўзини отиб ўлдиргани хабар қилинган.

Ўзбек матбуоти эътиборидан четда қолиб кетган бу ҳодисалар жамоат хавфсизлиги билан боғлиқ саволларни ўртага чиқарган.

Қонун устивор бўлмаган жамиятда қўлида қуроли бор милиция ёки хавфсизлик ходими қонун доирасида ҳаракат қилишига кафолат борми?

Улар билан муомалада фуқаролар ўзларини қанчалик хавфсиз сезадилар?.

Фикрларингизни Би-би-сининг Facebook, Google+, Одноклассникидаги саҳифаларида қолдиринг.

Шарҳларингизни BBCUzbek.com да ҳам ўқишингиз ва Дараклар дастурида тинглашингиз мумкин.

Whatsapp рақамимизга овозли шарҳларингизни ҳам йўллашингиз мумкин +44 78-58-86-00-02.

Kudrat babadjanov: Менинг фикримча чекланмаган ҳокимият берилган амалдорлар жамият учун жуда ҳавфлидир. Ўзбекистонда милиция, МХҲ, Адлия ходимлари устидан халқ назоратининг йўқлиги, оддий фуқарони энг ожиз, ҳуқуқсиз бир жониворга айлантирган - у юқорининг ишорасига қараб туради, шунга қараб ҳаракат қилади, бу ишорани ўзгартиришга қодир дастакнинг ўзи йўқ унда.

Narzulla Akhunjonov: Бугун қонуний давлатнинг ўзи бормикин? Президентнинг ўзи бир неча маротаба мавжуд конституцияни қўпол равишда бузгани ҳолда "сайланиб" олиб? бу борадаги тартиб-қоидага зид хатти-ҳаракати билан бош ўрнакчи-намуначиликни қўлдан бермасдан олға қадам ташлаб бораётган бўлса-ю, у бошчилигидаги тўда- гуруҳдан нимани ҳам кутиш мумкин?. Шунинг учун ҳам қуйи бўғиндаги раҳбар ва раҳбарчалардан ҳам қонунни бузиш асносидаги доимий хавф-хатар, таҳдидни сезиш, ҳис этиш қийин эмас. Айни пайтда эса шуни ҳам айтиш жоизки, ноқонуний тарзда фаолият юритаётган ушбу гуруҳнинг қилган қилғиликлари боис унинг натижаси қандай оқибатларга олиб келаётганлиги ва бу бугунги кунда ҳар жиҳатдан борган сари янада очиқроқ бир кўринишда фош бўлиб бораётганлиги улардаги қўрқувни кундан-кунга кучайтирмоқда. Бундай қўрқув эса, ўз навбатида уларни катта хатоларга йўл қўйишларига мажбур этмоқда.

Doniyor Pulatov: Dunyoda so'z erkinligi, matbuot erkinligi degan narsalar bor. Tanqid bor joyda rivojlanish bo'ladi, televizorda hamma narsani jannat qilib ko'rsatgani bilan muammolar hal bo'lib qolmaydi. Tanqid bor joydagina qonunlar ishga tusha boshlaydi, aks holda ular qog'ozda qolib ketaveradi. Prezident ham, bosh vazir ham, boshqalari ham sizu bizga o'xshagan odam. Ular xalqqa xizmat qilishi kerak, xalq ularga xizmat qilishi kerak emas.

Ali Khan: Бизни жамиятда энг котта муаммо купчилик одамлани онгига сингиб колган караш: "Чекист ва чиновникла доим конун тепасида ва бу нарса хамма жойда бир хил". Халк бирлашиб, уз сузини этолмагандан кейин, чекист бн чиновник кунглига кеганини килади. AҚШда полиция куролсиз йигитни отгани учун бутун шахар оёкка турди. Уша полициячи судланяпди. Биздачи?! Органдагилар милиция машинасини бу аварияга алокаси йуклигини этиб, бошка бир матизни шафёрини камашгаям улгурди. У орган одами буладими ёки бирор амалдор, конунни буздими, айниқса одам ўлса, оддий фуқаро билан бир хил жазога тортилиши керак. Умуман, органдагиларни қонун билан тийиб қўйиш керак.

Jamshid Djurakulov: Hurmatli bbc xodimi! Siz nima Uzbekistondagi odamlarni davlatga qarshi tezlayapsmi, nima siz uziz vatanizi ichidagi tinchlikni kurolmayapsmi, yoki uzizga Uzbekiston vatan deb bilmiysmi, nima nohaqlikga uchragan bulsaiz butun aholini qarshi qayrash kerakmi?

Bobur Kamol: Qonun hamma uchun birdek ijro qilinishi kerak, hoh u mansabdor yoki oddiy odam bo'lsin. OAV da bu haqda gapirilar ekan bu yahshi chunki mansabdor yoki boy o'z vakolatini suiste'mol qilib jinoyatni yashirishi ehtimoli kam bo'ladi.

Davron Ahmedov: Aybini bilgan avliyo, xozir bölmasa qachondir tuzatar deymiz. Lekin u tuzatish örniga birovni aybini oshkor qilib shu orqali rözg'or tebratsa-chi?.

Ramzbek Hamdamov: Bizi qishloqda bir ichki ishlar xodimi bir tovuqni urib öldirib ketibdi zör mavzu yozmisilarmi?. Manzilni beraymi? nomi bösa "davlat odamidan shaxsiy mulkka tahdid yöqligiga kim kafolat beradi" bölardi.

Yahyo Sultanov: men hech qachon biron amaldordan yomonlik kurmaganman sababi unga men uzbek ekanligim u inson bilan qondosh yurtdosh ekanligimni eslatib turardim va har qachon ijobie javob olganman , biz avvalo unutmasligimiz kerak biz insonmiz , be ayb parvardigor ha amaldorlarimiz ichida kurmaklar bor va ularga , kuzini mol davlat mancab uzini boshqadan ustun bilish yoglari tusgan bulsa , eslatib quyish lozim uni uzbekligini va vataniga vatandoshlariga qanday munosabatda bulish lozimligini bu menga har qachon yordam bergan mana kafolat kutganlarga kafolat.

Илҳомжон Абдуманнонов: Хозир дунё уруш арафасида турибди. Россияга қарам бўлишни хоҳламасангиз, бирлашишимиз керак, ошкоралик бизда. Каримовни қаттиққўллиги бизда, тинчлик таъминланган.

Doniyor Pulatov: O'zbekistonda birorta jurnalist shunaqa mavzularni ko'tarib chiqa oladimi? Axborot yoki Davrda bugun militsiya xodimi mast holda bir odamni urib, qochib ketdi degan xabar chiqadimi? Yo'q! Shunday ekan, shu mavzularni yoritgan odamlarni tinch qo'yinglar. Ular o'z ishini qilyapti, xolos. BBC bo'lganidan keyin Britaniya manfaatlaridan kelib chiqib ishlaydi, lekin bu boshqa davlatlarda nizo keltirib chiqaradi degani emas. BBCning hamma joyda muxbirlari ishlaydi, ofislari bor. O'zbekistonda yo'q xolos ofisi. Shunchalik xavfli bo'lganida, boshqa davlatlar ham BBCni allaqachon taqiqlab qo'ygan bo'lardi.

Бу мавзуда батафсилроқ