Минск савдо марказига ҳужумда 1 аёл ўлди

Image caption Бу каби ҳужум Беларусь учун ғайриоддий ҳолатдир

Беларусда ёш йигит савдо марказидаги одамларга арқонли арра ва болға билан ҳужум қилиб, бир аёлни ўлдирган ва яна бирини яралаган.

Расмийларга кўра, ҳужум пойтахт Минск марказидаги "Европа" савдо марказида юз берди.

Гувоҳлар шанба куни кечқурун ниқоб кийиб олган киши даҳшатга тушган харидорларни қувлаганини айтиб беришди.

Бироздан сўнг полиция 18 ёшли гумондорни қўлга олган. Ҳужум сабабларини ҳали ноаниқ.

"У арқонли аррани чиқарганида, харидорлар аввалига у қандайдир ўйин ўйнаяпти деб ўйлашган", - деди полиция воизи Александр Ластовский.

"Лекин, у бир аёлга арқонли арра билан оғир жароҳат етказиб, болға билан ҳам урган. У аёл ҳалок бўлди. Ҳужумчи бошқаларга ҳам ташланган", - деди воиз.

Жароҳат олган яна бир аёл касалхонага олиб кетилган.

Ҳужумчи арқонли арра ва болғани савдо марказига гитара жилдида олиб келган.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

ТЕЛЕГРАМДА ЭСА каналимиз - https://telegram.me/bbcuzbek ёки BBCUZBEK

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio

bbcuzbek.comга тўсиқ бўлса, uzbekweb.netга киринг.