Россия йирик ҳарбий машқлар бошлади

Фото муаллифлик ҳуқуқи na
Image caption Вазирлик 4 кунлик ҳарбий синовларни жанговор ҳозирлик даражасини аниқлаш учун "кенг кўламли кутилмаган текширув" сифатида баҳолаган

Россия Мудофаа вазирлигининг айтишича, мамлакат ҳарбий кучлари йирик кўламли ҳарбий машғулотларни бошлашган.

Машғулотларга 12, 000 ҳарбий аскар сафарбар қилинган.

Россия ахборот агентликлари - Интерфакс ва ТАСС бераётган хабарларга кўра, ҳарбий синовда 250та қирувчи учоқ, 700тача танк ва бошқа қурол-яроғлар ҳам ишга солинмоқда.

Вазирлик 4 кунлик ҳарбий синовларни жанговор ҳозирлик даражасини аниқлаш учун "кенг кўламли кутилмаган текширув" сифатида баҳолаган.

Би-би-сининг Москвадаги мухбири Кэролайн Уайатнинг айтишича, машқларни келаси бир неча ой ичида бошлаш режаланган Центр-2015 деб номланган янада йирикроқ ҳарбий машғулотларга тайёргарлик дейиш мумкин.

Мазкур ҳарбий машғулотлар НАТО ва унинг ҳамкорлари иштирокидаги Arctic Challenge номли тайёрлов машқлари билан бирга бошланган.

Россиянинг Украинадаги ҳатти-ҳаракатлари ва Ғарб ҳаво ҳудудига дахл қилиниши икки ўртада тангликни келтириб чиқарган.

Яқинда Россия Оврўпонинг шимолий давлатлари атрофидаги ҳаво ҳудудига ҳарбий учоқларини йўллаш каби ҳатти-ҳаракатлари учун танқид қилинганди.

НАТОнинг икки ҳафталик ҳарбий машғулотлари Норвегия, Швеция ва Финландия шимолида бўлиб ўтади.

Унда 115та қирувчи учоқ ва 9 мамлакатдан 3, 600 нафар ҳарбий аскар сафарбар қилинган.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

Instagram – BBC UZBEK

Twitter – BBC UZBEK

Odnoklassniki – BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio