ለንቅሳት እጅ አንሰጥም ያሉት ህንዳውያን

the Baiga tribeswomen have been getting tattoos Image copyright WATERAID/ RONNY SEN

ሳድግ ስለ ንቅሳት እያሰብኩ ነው ያደግኩት። ንቅሳት፤ ጆሮ እና አፍንጫን መበሳት እንደ የሴቶች ጭቆና ምልክት አድርጌ ነበር የምወስደው።

እናቴ በሰውነቷ ላይ የተወሰኑ ንቅሳቶች ነበሯት፤ አያቴ ደግሞ በርካታ ንቅሳቶች ነበሯት። እነዚህን ንቅሳቶች ከመነቀስ ውጭ አማራጭ እንደሌላቸው ነግረውኛል።

በህንድ ገጠራማ ሥፍራዎች ትዳር የመሰረቱ ሴቶች ንቅሳት መነቀስ ግዴታቸው ነው።

"የማልነቀስ ከሆነ በባህሉ መሰረት ካገባሁ በኋላ ማንም እኔ ያቀረብኩትን ውሃም ሆነ ምግብ እንደማይቀምሱ ነግረውኛል። ብዙ መገለል ሊደርስብኝም እንደሚችል ነግረውኝ ነበር" በማለት እናቷ ስላጫወተቻት ታሪክ ትናገራለች።

በፈረንጆቹ 1940 ገደማ እናቴ ስትሞሸር 11 ዓመት እንኳ በቅጡ አልሞላትም። ከሠርጉ ጥቂት ሳምንታት በኋላ በአካባቢው የምትኖር አዛውንት ሴት መጥታ ነቀሰቻት።

ንቅሳት፡ ጥቁር አሻራ

• ንቅሳት በሺህ ለሚቆጠሩ ዓመታት የነበረ እንደሆነ ይነገራል

• ታራሚዎችን፣ አገልጋዮችን እና ባሪያዎችን ለመለየት ያገለግል ነበር

• እንደ መቀጣጨም ሆኖ አግልግሏል፤ እንዲሁም የተገለሉ ሰዎችን መለያ ምልክትም ነበር

• አልፎም የባል እና የአባት ስም (የወንዶች ስም) ሴቶች እንዲነቀሱት በማድረግ ባለቤትነታቸውንም የሚያረጋግጡበትም ምልክት ሆኖ ያገልግል ነበር

እናቷ የተነቀሰችበትን ወቅት በማስታወስ የነቀሰቻት ሴትዮ በእድሜ ገፋያለችና፤ የምትጠቀምበት መሣሪያ ኋላ ቀር እንደነበር ነግራኛለች። የመነቀስ ሂደቱም የጋለውን ብረት በላይኛው የቆዳ አካል በማሳረፍ ቅርፅ ታወጣለች ከዚያም ቀለሙን ትጨምረዋለች።

ለሕመሙ ማስታገሻ እንዲሁም ቁስሉ ቶሎ እንዲደርቅ የሚያደርግ መድሓኒት የለም፤ በተቃራኒው ተነቃሾቹ ቁስሉ እስኪድን ወራት መጠበቅ ይኖርባቸዋል።

ከሰባት አስርት ዓመታት በኋላ የእናቴ ንቅሳት ደብዘዝ ቢልም ጥሎባት ያለፈው የቁስል አሻራ ግን እስካሁን ይታያል።

"ህመሙ የጠነከረ ስለሆነ በወቅቱ ከማልቀስ አልፎ ነቃሿንም እንደመታኋት አስታውሳለሁ።" ብላ ነግራኛለች።

የማሕበራዊ እንዲሁም የባህል ጥናት ባለሙያዋ ኬያ ፓንዴይ በህንድ ገጠራማ ሥፍራዎች ንቅሳቶች ያላቸውን ቦታ በጥናቷ በምትዳስስበት ፅሁፏ። 'አበባ ነክ ስዕሎች ለንቅሳት የተመረጡ ናቸው።' ትላለች።

ከዚህ በተጨማሪም የወንዶች ስምም በአብዛኛው በሴቶች ገላ ላይ የሚታይ የንቅሳት ዓይነት መሆኑ ጥናቷ ያሳያል።

"ከመነቀስ ጀርባ ያለውም ዋነኛ ምክንያት ከሞት በኋላ ላለ ህይወት በህይወት እያሉ ከየት እንደመጡና ዘራቸውን ለማጣራት በሚል ነው።" ትላለች ኬያ።

ወንዶች የሚነቀሱበት አካባቢ ቢኖርም የእኔ ቤተሰቦች የሚኖሩበትን ጨምሮ ብዙ ቦታዎች ግን ንቅሳት ትዳር የያዙ ሴቶች ብቻ የሚከውኑት ተግባር ነው።

ለእናቴ እና ለሴት አያቴ ግን የወንዶች የበላይነት የሰፈነበት ስርዓት ማሳያ መሣሪያ ነበር።

በአሁኑ ወቅት ንቅሳት እየቀነሰ እና እየቀረ መጥቷል። ወጣት እና ታዳጊ ሴቶች በግዳጅ አንነቀስም ማለትም ጀምረዋል። በገጠራማ የህንድ ቦታዎች ከዘመናዊነት መስፋፋት ጋር ተያይዞ ሁኔታዎች መለወጥ ጀምረዋል።

Image copyright WATERAID/ RONNY SEN

የ15 ዓመቷ አኒታ ግንባሯ ላይ ንቅሳት አላት። ስትነቀሰው ከፍተኛ ህመም እንደሰማት የምትናገረው አኒታ ተጨማሪ ንቅሳት ላለመነቀስ ወሰነች። እናቷ በተቃራኒው በሞላ ጎደል በመላ ሰውነቷ ላይ ንቅሳት አለባት።

የአኒታ ውሳኔ የእናቷን ይሁንታና ድጋፍ አገኝቷል።

"እኔ አልተማርኩም። የሚነገረኝን ሁሉ ሰጥ ለጥ ብየ ስቀበል ኖሪያለሁ። ልጄ ግን ትምህርት ቀምሳለች። ንቅሳት አልፈልግም ካለች የሯሷ ውሳኔ ነው። እኔም እደግፈዋለሁ።" በማለት የአኒታ እናት ትናገራለች

ከቅርብ ዓመታት ወዲህ የተማሩ ጓደⶉቼ በራሳቸው ምርጫ የፈለጉትን ዓይነት ንቅሳት መነቀስ ጀምረዋል።

ለኔ ግን አሁንም ቢሆን ንቅሳት የጭቆና ምልክት ሆኖ ይኖራል።

ተያያዥ ርዕሶች