በምድር ሽንቁር ውስጥ የሚገኘው የካርቦን ዳይኦክሳይድ ክምችት በታሪክ እጅግ ልቆ ተገኘ

Emissions from human activities have levelled off but concentrations in the atmosphere continue to grow Image copyright Getty Images

የ2016 አሃዝ ከዚያ በፊት ከታዩ የካርቦን ዳይኦክሳይድ ክምችቶች በ50 በመቶ የላቀና በ8 ሺህ ዓመታት ጊዜ ውስጥ ያልታየ ነው ተብሏል።

አጥኚዎች እንደሚሉት ሰው ሠራሽ እና እንደ ኤልኒኖ የመሳሰሉ ተፈጥሯዊ ክስተቶች ለካርቦንዳይኦክሳይድ መጨመር ምክንያቶች ናቸው።

ዓለም አቀፉ የሜትዮሮሎጂ ድርጅት የካርቦንዳይ ኦክሳይድ፤ ሚቴን እንዲሁም ኒትርየስ ኦክሳይድን ልቀት አካቶ ጥናቱን በ51 የዓለማችን ሃገራት ነው ያከናወነው።

ዓለም አቀፉ የሜትዮሮሎጂ ድርጅት አባል የሆኑት ዶ/ር ኦክሳና ታራሶቫ ለቢቢሲ እንደተናገሩት ድርጅቱ መሰል ጥናቶች ማካሄድ ከጀመረ ጊዜ አንስቶ የአሁኑ አሃዝ እጅግ ከፍተኛው ነው።

ቀደም ያለው ከፍተኛው በምድር ከባቢ ሽፋን ሽንቁር ውስጥ የሚገኝ የካርቦን ዳይኦክሳይድ ክምችት የተመዘገበው በ1997ቱ የኤልኒኖ ክስተት ወቅት ነበር።

የአሁኑ ግን ባለፉት አስር ዓመታት ከተመዘገበው በ50 በመቶ ልቆ ተገኝቷል።

Image copyright Getty Images

በጥናቱ መሠረት መሰል የካርቦን ዳይኦክሳይድ ክምችት መጨመር ድንገተኛና አስከፊ ለሆኑ የተፈጥሮ አደጋዎች አጋላጭ ነው።

በዘርፉ ብዙ ልምድ ያላቸው ሰዎች የጥናቱ ውጤት ለምድራችን መፃኢ ዕጣ ፈንታ እጅግ አስጊ እንደሆነ ያስረዳሉ።

የተባበሩት መንግሥታት ድርጅት የተፈጥሮ ጥበቃ ሃላፊ ኤሪክ ሶልሄይም "ቁጥሮች አይዋሹም። ይህንን አደጋ ለመመከት ብዙ መፍትሄዎች በእጃችን አሉ። የሚያስፈልገን ፖለቲካዊ ፈቃደኝነት ነው" ሲሉ ተናግረዋል።

ተያያዥ ርዕሶች